Abdullah Azam Khan non bailable warrant: اعظم خان کے بیٹے عبداللہ اعظم کی مشکلات نہیں ہو رہی ہیں کم، ایم پی-ایم ایل اے کورٹ نے جاری کردیا غیرضمانتی وارنٹ

ایم پی-ایم ایل اے کورٹ نے 13 فروری 2023 کو دونوں کو قصوروار ٹھہراتے ہوئے 2-2 سال کی سزا اورتین تین ہزارروپئے جرمانہ لگایا تھا۔ اس کے خلاف اعظم خان اورعبداللہ اعظم نے اپیل داخل کی تھی۔ حالانکہ کئی بارپیش نہ ہونے کے سبب اے ڈی جے-3 کورٹ نے عبداللہ اعظم کے خلاف این بی ڈبلیوجاری کیا ہے۔ اس کے پہلے ہی اعظم خان کی اپیل خارج ہوچکی ہے اوران کی سزا برقرارہے۔

سیشن کورٹ میں اپیل پر سماعت زیر غور

اسپیشل پبلک پراسیکیوٹرنے کہا کہ اس کیس میں عبداللہ اعظم کودوسال قید کی سزا سنائی گئی ہے۔ سزا کے خلاف ایم پی-ایم ایل اے کی اپیل پرسماعت سیشن کورٹ میں زیرسماعت ہے، اس کے باوجود عبداللہ اعظم سماعت کے باوجود عدالت میں پیش نہیں ہورہے ہیں۔ جمعہ کوعدالت نے اسے سنجیدگی سے لیا اورعبداللہ کے خلاف ناقابل ضمانت وارنٹ جاری کیا۔

اعظم خان کی مشکلات نہیں ہو رہی ہیں کم

اعظم خان اوران کی فیملی کی مشکلات کم ہونے کا نام نہیں لے رہی ہے۔ عبداللہ اعظم پراسٹامپ چوری کیس میں عدالت نے 4 کروڑ 64 لاکھ جرمانہ لگایا تھا، جس پرگزشتہ دنوں عدالت نے آرسی جاری کئے جانے کی کارروائی کی تھی۔ اس کے علاوہ بھی کئی معاملے اعظم خان اور ان کی فیملی پرچل رہے ہیں۔ اعظم خان لمبے وقت سے جیل میں بند ہیں۔