AAP MLA Kuldeep Kumar News: عام آدمی پارٹی کے رکن اسمبلی کلدیپ کمار کی گاڑی پر حملہ، سی سی ٹی وی فوٹیج کھنگال رہی ہے پولیس

نئی دہلی: مشرقی دہلی کے کونڈلی اسمبلی حلقہ سے عام آدمی پارٹی کے رکن اسمبلی کلدیپ کمارکی گاڑی پرپیر(23 مارچ) کی شام نامعلوم حملہ آورکے ذریعہ حملہ کیا گیا۔ حملہ آورنے گاڑی کا شیشہ توڑدیا۔ اطلاع ملتے ہی پولیس موقع پرپہنچ گئی۔ یہ حادثہ مدھو وہارتھانہ علاقہ کے حسن پورڈپوکے پاس واقع سنگلا سوئٹس کے باہرکی بتائی جا رہی ہے، جہاں رکن اسمبلی کی گاڑی کھڑی تھی، جس وقت یہ حملہ ہوا، اس دوران رکن اسمبلی کلدیپ کمارگاڑی میں موجود نہیں تھے۔ فی الحال پولیس موقع پرپہنچ کرمعاملے کی جانچ میں مصروف ہوگئی ہے۔ آس پاس لگے سی سی ٹی وی کیمروں کی فوٹیج کھنگالی جا رہی ہے۔

عام آدمی پارٹی کی سیکورٹی کا اندازہ لگانا مشکل: ایم ایل اے

عام آدمی پارٹی کے رکن اسمبلی کلدیپ کمارنے اپنے ایکس پوسٹ میں کہا، “میں ایک رکن اسمبلی ہوں۔ عوام نے مجھے اپنی آوازبناکربھیجا ہے، لیکن آج حالت یہ ہے کہ میری ہی گاڑی پرپولیس کی گاڑی کی موجودگی میں حملہ ہوجاتا ہے۔ اگرایک عوامی نمائندہ محفوظ نہیں ہے، توعام آدمی کی سیکورٹی کا اندازہ لگانا مشکل نہیں، بلکہ خوفناک ہے۔”

’بھگوان بھروسے‘ دہلی کا لا اینڈ آرڈر: کلدیپ کمار

انہوں نے مزید کہا، “دہلی کا لا اینڈ آرڈراب پوری طرح ’بھگوان بھروسے‘ چل رہا ہے۔ بی جے پی حکومت ہراسٹیج سے بڑے بڑے دعوے کرتی ہے، لیکن حقیقت سڑکوں پرواضح دکھائی دے رہی ہے۔ جہاں مجرمین کے حوصلے بلند ہیں اورحکومت صرف بیان دینے میں مصروف ہے۔ کیا یہی ہے کہ وہ مضبوط سرکار، جس کا وعدہ کیا گیا تھا؟ جہاں رکن اسمبلی تک محفوظ نہیں، وہاں عوام کے ساتھ کیا ہورہا ہوگا، اس کا جواب کون دے گا؟”

دہلی میں لا اینڈ آرڈرکا راج نہیں: ایم ایل اے

عام آدمی پارٹی کے رکن اسمبلی کلدیپ کمارنے یہ بھی کہا، “سچائی یہ ہے کہ دہلی میں لا اینڈ آرڈرکا راج نہیں، بلکہ غنڈوں مافیا اورچاقوبازوں اورنشہ بیچنے والوں کا راج چل رہا ہے… اوربی جے پی حکومت اسے قبول کرنے کے بجائے آنکھیں موندے بیٹھی ہے۔ میں ان سے ڈرنے والا نہیں ہوں، میں ایسی ہی نا انصافی کے خلاف آوازاٹھاتا رہوں گا۔ میں اروند کیجریوال جی کا سپاہی ہوں۔”

پولیس نے کیا کہا؟

پولیس نے بتایا کہ 23.03.2026 کوتقریباً 7:03 بجے تھانہ مدھووہار میں ایک اطلاع ملی۔ اطلاع ملتے ہی اے سی پی مدھو وہار اورایس ایچ او مدھو وہار، پولیس اسٹاف کے ساتھ فوراً موقع پرپہنچے۔ جائے حادثہ پرپہنچنے پر، کونڈلی اسمبلی حلقہ کے رکن اسمبلی کلدیپ کماروہاں موجود ملے۔ شکایت کنندہ نے ایک تحریری شکایت درج کرائی ہے اورکہا ہے کہ انہیں اس حادثہ میں شامل کسی بھی شخص پرنہ توخدشہ ہے اورنہ ہی انہوں نے کسی کی پہچان کی ہے۔ ثبوتوں سے پتہ لگانے اورقصورواروں کی پہچان کرنے کے لئے آس پاس کے کیمروں کے سی سی ٹی وی فوٹیج جمع کئے جا رہے ہیں اور ان کی باریکی سے جانچ کی جا رہی ہے۔

بھارت ایکسپریس اردو-