دہلی کے آئی ٹی او سے ڈی ڈی یو مارگ جانے کے تمام راستے بند کردیئے گئے ہیں۔ (Image Source :PTI)
Arvind Kejriwal Arrested: وزیراعلیٰ اروند کیجریوال کی دہلی شراب پالیسی معاملے میں 21 مارچ کی رات انفورسمنٹ ڈائریکٹوریٹ (ای ڈی) کے ذریعہ گرفتاری کے بعد عام آدمی پارٹی نے جمعہ کے روز بی جے پی ہیڈ کوارٹرسمیت ملک گیراحتجاج کا اعلان کیا ہے۔ عام آدمی پارٹی کے لیڈران نے اس احتجاج میں انڈیا الائنس میں شامل تمام سیاسی پارٹیوں سے بھی شامل ہونے کی اپیل کی ہے۔
وزیراعلیٰ اروند کیجریوال کی گرفتاری کی مخالفت میں عام آدمی پارٹی کی طرف سے احتجاج کی اپیل کو دیکھتے ہوئے دہلی پولیس نے عام آدمی پارٹی دفترجانے کے تمام راستے بند کردیئے ہیں۔ سیکورٹی پہلوؤں کے پیش نظرپولیس نے دین دیال اپادھیائے مارگ کی طرف جانے والے راستے پردہلی پولیس نے چاروں طرف سے بیریکیٹس بھی لگا دیئے ہیں۔ سیکورٹی کے پیش نظر آئی ٹی او، دین دیال مارگ اورکئی دیگرعلاقوں میں بڑی تعداد میں نیم فوجی دستوں کے جوانوں کوتعینات کیا گیا ہے۔
عام آدمی پارٹی کے کارکنان بی جے پی ہیڈ کوارٹرپرکریں گے احتجاج
دوسری طرف جمعہ کے روزعام آدمی پارٹی کے لیڈران اورکارکنان صبح 10 بجے پارٹی ہیڈ کوارٹرپر جمع ہوں گے اوراحتجاج کی حکمت عملی طے کریں گے۔ اس کے بعد عام آدمی پارٹی کے لیڈربی جے پی ہیڈ کوارٹرپر جاکربڑے پیمانے پراحتجاج کریں گے۔ دراصل عام آدمی پارٹی کے حامیوں میں انفورسمنٹ ڈائریکٹوریٹ (ای ڈی) کی کارروائی کے خلاف زبردست ناراضگی ہے۔ عام آدمی پارٹی کے لیڈران کا الزام ہے کہ وزیراعلیٰ اروند کیجریوال کی گرفتاری بی جے پی کے کہنے پرہوئی ہے۔ پارٹی کے کارکنان ان کی واپسی تک مرکزی حکومت کی جابرانہ پالیسیاں کے خلاف مہم جاری رکھیں گے۔
بھارت ایکسپریس۔
راشٹریہ لوک دل کے سربراہ اورمرکزی وزیرجینت چودھری نے پارٹی لیڈران پرسخت کارروائی کی ہے۔…
دہلی اسمبلی الیکشن کے لئے بی جے پی نے امیدواروں کے ناموں پر غوروخوض تقریباً…
ذرائع نے انکشاف کیا ہے کہ سوربھ شرما کے اکاؤنٹ کی تمام تفصیلات ان کے…
پی ایم مودی نے اپنے خطاب میں کہا کہ آج ہندوستان موبائل مینوفیکچرنگ میں دنیا…
صدر جمعیۃ علماء ہند مولانا محمود اسعد مدنی نے کامیاب پیروی پر وکلاء کی ستائش…
راج یوگی برہما کماراوم پرکاش ’بھائی جی‘ برہما کماریج سنستھا کے میڈیا ڈویژن کے سابق…