Fake IPS arrested in Bihar: بہار میں فرضی آئی پی ایس بن کر گھوم رہا تھا نوجوان، جمئی پولیس نے کیا گرفتار

اطلاع ملتے ہی سکندرا پولیس موقع پرپہنچی اورمتھلیش کودبوچ لیا۔ پولیس گرفتارشخص سے پوچھ گچھ کرنے  میں جمع ہوئی ہے۔ ابتدائی پوچھ گچھ میں متھلیش نے جوبات بتائی وہ کافی سنگین ہیں۔ گرفتارفرضی آئی پی ایس نے پولیس کوبتایا کہ کھیرا علاقے کے منوج سنگھ نام کے ایک شخص نے اسے پولیس میں نوکری لگانے کی بات کہی تھی اوراس کے عوض میں اس سے 2.30 لاکھ روپئے کا مطالبہ کیا گیا تھا، جس کے بعد متھلیش نے اپنے ماما سے پیسے لے کرمنوج کودیا تاکہ پولیس میں اس کی نوکری لگ جائے۔

 گرفتارشخص نے بتایا کہ دولاکھ روپئے لینے کے بعد منوج سنگھ نے اس کے جسم کی ناپ لی اوراس کواگلے دن بلاکرآئی پی ایس کی وردی، بیچ اورپستول دیا۔ وہ وردی پہن کراپنے گھرآگیا اورماں سے آشیرواد لے کرواپس منوج سنگھ سے ملنے کے لئے نکل پڑا، لیکن راستے میں ہی پولیس نے اسے گرفتارکرلیا۔ اس حادثہ سے متعلق ایس ڈی پی اوستیش سمن نے بتایا کہ ایک نوجوان کوفرضی آئی پی ایس کی وردی میں گرفتارکیا گیا ہے۔ پولیس پورے معاملے کی گہرائی سے جانچ کررہی ہے۔ اگرنوجوان نے یقیناً دولاکھ روپئے دے کر فرضی آئی پی ایس کی وردی لی ہے توجمئی پولیس کے لئے اس گروہ کا پردہ فاش کرنا ایک بڑا چیلنج ہوگا۔