باغپت میں خاتون نے سرعام بیلٹ نکال کر نوجوان کو پیٹا، ویڈیو وائرل، پولیس جانچ میں مصروف

بتایا جا رہا ہے کہ راشٹروندنا چوک پرکسی بات کو لے کرخاتون اورایک شخص کے درمیان کہاسنی ہوگئی۔ دیکھتے ہی دیکھتے تنازعہ اتنا بڑھ گیا کہ خاتون نے غصے میں آکر اپنی بیلٹ نکال لی اورشخص کی سرعام پٹائی شروع کردی۔ اچانک ہوئے اس حادثہ سے موقع پرافراتفری کا ماحول بن گیا۔ حادثہ کے وقت آس پاس موجود لوگوں کی بھیڑجمع ہوگئی، لیکن کسی نے بھی بیچ بچاوکرنے کی کوشش نہیں کی۔ اس کے بجائے کئی لوگ اپنے موبائل فون سے پورے حادثے کا ویڈیو بناتے رہے۔

وائرل ہوا ویڈیو

کچھ ہی دیرمیں اس حادثہ کا ویڈیوسوشل میڈیا پروائرل ہوگیا، جسے لے کرطرح طرح کی قیاس آرائیاں شروع ہوگئی ہیں۔ وائرل ویڈیو میں دیکھا جاسکتا ہے کہ خاتون مسلسل شخص پر بیلٹ سے حملہ کررہی ہے اورآس پاس کھڑے لوگ تماشہ دیکھ رہے ہیں۔ وہیں، پٹائی کے دوران شخص خود کو بچانے کی کوشش کرتا ہوا نظرآرہا ہے۔ حادثہ کی وجہ سے کچھ دیرتک علاقے میں افراتفری کا ماحول بنا رہا۔

پولیس نے کیا کہا؟

معاملے کا ویڈیو سامنے آنے کے بعد پولیس بھی سرگرم ہوگئی ہے۔ پولیس افسران کا کہنا ہے کہ وائرل ویڈیوکی بنیاد پرحادثہ کی جانچ کی جا رہی ہے۔ ساتھ ہی یہ پتہ لگانے کی کوشش کی جا رہی ہے کہ تنازعہ کی اصلی وجہ کیا تھی۔ پولیس کا کہنا ہے کہ جانچ کے بعد جو بھی حقائق سامنے آئیں گے، اس کی بنیاد پرآگے کی کارروائی کی جائے گی۔ وہیں، اس حادثہ نے ایک بارپھر یہ سوال کھڑا کردیا ہے کہ عوامی مقامات پر ہونے والے ایسے حادثات میں لوگ مدد کرنے کے بجائے صرف ویڈیوبنانے میں کیوں لگ جاتے ہیں؟

بھارت ایکسپریس اردو-