بھارت ایکسپریس۔
Amritsar Crime News: پنجاب کے امرتسرسے ایک روح کانپنے والا حادثہ سامنے آیا ہے۔ جہاں ایک درندے شوہرنے اپنی اہلیہ کوبڑی بے رحمی سے موت کے گھاٹ اتاردیا۔ مہلوک 23 سالہ خاتون 6 ماہ کی حاملہ تھی۔ ملزم شوہرنے اسے چارپائی سے باندھ کرآگ لگا دی۔ آگ سے جھلس کرخاتون کی دردناک موت ہوگئی۔ حادثہ کے بعد ملزم شوہرفرارہوگیا۔ پولیس ملزم کی تلاش میں مصروف ہوگئی ہے۔
چارپائی سے باندھ کربیوی کو لگائی آگ
امرتسرضلع کے تھانہ بیاس کے بابا بکالا کے گاؤں بلّینانگل کا پورا معاملہ بتایا جا رہا ہے، جہاں جمعہ کے روزشوہر-بیوی کی کسی بات سے متعلق بحث ہوگئی۔ اس دوران غصے میں شوہر سکھدیونے اہلیہ پنکی کوچارپائی سے باندھ دیا اورآگ لگادی۔ آگ لگنے کے بعد ملزم سکھدیووہاں سے فرارہوگیا۔ آگ میں جھلس کرپنکی کی موت ہوگئی اورگھرمیں سارا سامان بھی جل کرخاک ہوگیا۔ 23 سالہ پنکی 6 ماہ کی حاملہ تھی، اس کے پیٹ میں جڑواں بچے پل رہے تھے۔ تقریباً ڈھائی سال پہلے ہی سکھدیواورپنکی کی شادی ہوئی تھی۔
شوہر-بیوی میں اکثرہوتا تھا جھگڑا
پولیس کے مطابق، جانچ کے دوران پتہ چلا ہے کہ سکھدیواورپنکی میں اکثرجھگڑا رہتا تھا۔ دونوں کے تعلقات کافی کشیدہ تھے۔ جمعہ کے روزبھی کسی بات کولے کربحث ہوئی۔ ملزم سکھدیو نے پنکی سے نجات حاصل کرنے کا ارادہ کرلیا، جس کے بعد ملزم بیوی کوزندہ ہی آگ کے حوالے کردیا۔ معاملے سے متعلق پولیس نے معاملہ درج کرکے جانچ شروع کردی ہے اورملزم سکھدیو کی تلاش کی جارہی ہے۔
قومی خواتین کمیشن نے طلب کی رپورٹ
وہیں اس معاملے میں قومی خواتین کمیشن نے بھی نوٹس لیا ہے۔ قومی خواتین کمیشن کی طرف سے ایکس (ٹوئٹر) پرپوسٹ کرکے اس حادثہ کی مذمت کی گئی ہے۔ اس کے ساتھ پنجاب پولیس سے معاملے کی پوری رپورٹ مانگی گئی ہے۔ اس پورے حادثے کے بعد علاقے میں دہشت کا ماحول ہے اورجس کو بھی اس حادثے کی اطلاع ہوتی ہے، اس کی روح کانپ جاتی ہے۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…