نئی دہلی: روس اور یوکرین کے درمیان جاری جنگ پانچویں سال میں داخل ہو گئی ہے۔ اگرچہ امریکی ثالثی میں دونوں ممالک جنگ کے خاتمے کے لیے مذاکرات کر رہے ہیں، تاہم چار سال مکمل ہونے پر یوکرینی صدر وولودیمیر زیلنسکی نے اپنے خیالات کا اظہار کیا۔ زیلنسکی نے کہا: ’’پوتن اپنے مقاصد حاصل نہیں کر سکے۔ انہوں نے یوکرینی عوام کو نہیں توڑا اور نہ ہی یہ جنگ جیت سکے۔ ہم نے یوکرین کو بچایا ہے اور ہم امن کے قیام کے لیے ہر ممکن کوشش کریں گے اور انصاف کو یقینی بنائیں گے۔‘‘
جنگ کا پس منظر
روس اور یوکرین کے درمیان جنگ 24 فروری 2022 کو شروع ہوئی تھی، جو اب پانچویں سال میں داخل ہو چکی ہے۔ اس تنازع کی بنیادی وجوہات میں جغرافیائی سیاست اور سلامتی کے خدشات شامل ہیں۔ روس کے نقطۂ نظر سے یوکرین کی نیٹو میں شمولیت کی کوشش ایک بڑا سبب ہے، جس سے اس کی قومی سلامتی کو خطرہ لاحق ہو سکتا ہے۔ روسی صدر ولادیمیر پوتن کا مؤقف ہے کہ اگر یوکرین نیٹو میں شامل ہوتا ہے تو مغربی ممالک کی افواج اور میزائل روس کی سرحدوں کے قریب آ جائیں گے، جو اس کے لیے خطرے کا باعث ہوگا۔
2014 سے کشیدگی میں اضافہ
1991 میں سوویت یونین کے انہدام کے بعد یوکرین ایک آزاد ریاست کے طور پر ابھرا۔ روسی قیادت کا ماننا ہے کہ آزادی کے بعد یوکرین بتدریج یورپی ممالک اور امریکہ کے قریب ہوتا گیا، جسے ماسکو اپنی سلامتی کے لیے خطرہ تصور کرتا ہے۔ سنہ 2014 میں روس نواز رہنما وکٹر یانوکووچ کو صدارت سے ہٹائے جانے کے بعد روس نے کریمیا پر قبضہ کر لیا۔ اس کے بعد مشرقی یوکرین کے ڈونباس خطے — ڈونیٹسک اور لوہانسک — میں روس نواز علیحدگی پسندوں اور یوکرینی افواج کے درمیان جھڑپیں شروع ہو گئیں۔ 21 فروری 2022 کو روس نے ڈونباس کے دو خود ساختہ جمہوریاؤں، ڈونیٹسک اور لوہانسک، کو تسلیم کیا، جس کے تین دن بعد 24 فروری 2022 کو روس نے یوکرین کے مختلف حصوں پر فوجی کارروائی شروع کر دی۔ تب سے دونوں ممالک کے درمیان جنگ جاری ہے۔ دریں اثنا، امریکہ کے صدر ڈونالڈ ٹرمپ نے جنگ کے خاتمے کے لیے 28 نکاتی معاہدہ پیش کیا ہے، جس پر دونوں ممالک امریکی ثالثی میں بات چیت کر رہے ہیں۔ تاہم، میدانِ جنگ میں کشیدگی بدستور برقرار ہے۔
بھارت ایکسپریس اردو۔
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…