Donald Trump on US-Iran Ceasefire: ڈونلڈ ٹرمپ نے دی بڑی خوشخبری، امریکہ-ایران کے درمیان جمعہ کے روز ہوسکتے ہیں امن مذاکرات، جانئے تہران کا جواب

امریکی صدر ڈونلڈ ٹرمپ نے ایران کے ساتھ مذاکرات کی خوشخبری دی ہے۔ (فائل فوٹو)

US-Iran War: امریکہ اورایران کے درمیان دوسرے دورکی امن مذاکرات سے متعلق تعطل کی صورتحال برقرارہے۔ تاہم اس درمیان امریکی صدرڈونلڈ ٹرمپ نے مثبت اشارہ دیا ہے۔ انہوں نے کہا کہ بات چیت سے متعلق ”خوشخبری“ ہے اورامکان ہے کہ جمعہ کے روزمذاکرات ہوسکتے ہیں۔

یہ بیان ایسے وقت میں آیا ہے جب حالات بے حد کشیدہ ہوگئے ہیں۔ جنگ بندی پراختلاف، سمندری محاذ آرائی اورسفارتی تعطل جاری ہے۔ ڈونلڈ ٹرمپ کے اس اشارے کوایک ممکنہ سفارتی پیش رفت کے طورپردیکھا جا رہا ہے۔ حالانکہ ابھی تک کسی سرکاری شیڈول یا ایجنڈے کی تصدیق نہیں ہوئی ہے۔ صورتحال بدستورنازک ہے، لیکن اگربات چیت جمعہ کوہوتی ہے تویہ کشیدگی میں کمی کی جانب ایک اہم قدم ثابت ہوسکتا ہے۔

امن مذاکرات پرڈونلڈ ٹرمپ کا نیا دعویٰ

امریکہ اورایران کے درمیان دوسرے دورکے امن مذاکرات سے متعلق متضاد اشارے ابھررہے ہیں، جس سے صورتحال مزید الجھ گئی ہے۔ نیویارک پوسٹ کی رپورٹ کے مطابق، امن مذاکرات آئندہ 36 سے 72 گھنٹے کے اندرشروع ہوسکتی ہے، جس سے یہ امید پیدا ہوئی کہ سفارتی کوششیں دوبارہ پٹری پرآسکتی ہیں۔ تاہم دوسری طرف ایران نے ان دعوووں کوازسرنوخارج کردیا ہے۔ پاسداران انقلاب سے وابستہ ایجنسی تسنیم نیوزنے سوشل میڈیا پلیٹ فارم ایکس پرپوسٹ کرتے ہوئے کہا کہ صدر ٹرمپ کا جنگ بندی بڑھانے کا دعویٰ جھوٹا ہے اور فی الحال جمعہ تک کسی بھی مذاکرات کا کوئی منصوبہ نہیں ہے۔

ایران نے مذاکرات سے کیا انکار

اس طرح ایک طرف امریکی گروپ بات چیت سے متعلق امید کا اظہارکررہا ہے جبکہ ایران کھل کرانکارکررہا ہے۔ یہی متضاد صورتحال پورے بحران کومزید مشکل بنا رہا ہے، جہاں سفارتی اورٹکراودونوں ایک ساتھ چلتے ہوئے نظرآرہے ہیں۔

بھارت ایکسپریس اردو-

Nisar Ahmad