Moscow Terrorist Attack: ماسکو میں بڑا دہشت گردانہ حملہ، فوج کی وردی میں 5 بندوق برداروں نے مال میں کی اندھا دھند فائرنگ، 40 افراد ہلاک، 100 سے زیادہ زخمی

روس کے دارالحکومت ماسکو سے ایک بڑی خبرسامنے آئی ہے۔ یہاں ایک شاپنگ مال میں دہشت گردانہ حملہ ہوا ہے۔ بتایا جا رہا ہے کہ وردی پہنے حملہ آوروں نے اندھا دھند فائرنگ کی۔ اس حملے میں 40 افراد ہلاک ہو چکے ہیں جبکہ 100 سے زائد زخمی بتائے جا رہے ہیں۔ حملہ آوروں کی تعداد پانچ بتائی جاتی ہے۔ فائرنگ کے بعد مال میں افراتفری مچ گئی۔ زخمیوں کو فوری طورپرقریبی اسپتال میں داخل کرایا گیا ہے۔

اطلاعات کے مطابق، حملہ آورفوجی وردی میں تھے۔ حملہ آوروں نے کروکس سٹی ہال پرگرینیڈ بم بھی پھینکا، جس سے شاپنگ مال میں زبردست آگ لگ گئی۔ مال میں اب بھی سینکڑوں افراد کے پھنسے ہونے کا خدشہ ہے۔ ریسکیو آپریشن شروع کردیا گیا ہے۔ روسی ریسکیو سروس نے کروکس سٹی ہال کنسرٹ کے مقام کے تہہ خانے سے تقریباً 100 افراد کو باہرنکال لیا ہے۔

کنسرٹ ہال میں دوسرا دھماکہ

بتایا جا رہا ہے کہ حملے میں ہلاکتوں کی تعداد بڑھ سکتی ہے کیونکہ دوسرا دھماکہ بھی کنسرٹ ہال میں ہوا ہے۔ دہشت گردانہ حملے کے بعد روس کی فیڈرل سیکورٹی سروس (ایف ایس بی) حرکت میں آگئی ہے۔ ایف ایس بی نے کہا کہ وہ اس حملے کے سلسلے میں تمام ضروری اقدامات کررہا ہے۔ روسی لوکپال تاتیانا موسکالکووا نے اس واقعے کو دہشت گردانہ حملہ قرار دیا ہے۔

فوج کی وردی میں گھسے تھے کئی بندوق بردار