Strait of Hormuz reopens All Ships: آبنائے ہرمز 40 دن بعد تمام بحری جہازوں کے لئے کھول دیا گیا، ایرانی وزیر خارجہ نے کیا بڑا اعلان

امریکی صدرڈونلڈ ٹرمپ نے دودن پہلے آبنائے ہرمزسے ناکہ بندی ہٹانے کا اعلان کیا تھا۔ ٹرمپ نے ایک انٹرویومیں کہا کہ چین سے میری بات ہوئی ہے۔ ہم ناکہ بندی ہٹائیں گے۔ ایران نے ہرمز سے متعلق ہماری بات مان لی ہے۔ چین نے بھی ہماری بات مان لی ہے۔ وہیں ایران پرجنگ بندی کوآگے بڑھانے کے لئے آبنائے ہرمزکھولنے کا دباوتھا۔ امریکہ کا کہنا تھا کہ جنگ بندی پربات تبھی آگے بڑھے گی، جب تک ایران آبنائے ہرمزنہیں کھولے گا۔ نیوزایجنسی رائٹرس نے ذرائع کے حوالے سے کہا ہے کہ ایران اورامریکہ کے درمیان جنگ بندی کوآگے بڑھانے پررضا مندی بن گئی ہے۔ اسی قواعد کے تحت آبنائے ہرمزکوکھولا گیا ہے۔

عمان نے مسترد کردی تھی تجویز!

 ایران پرآبنائے ہرمزکھولنے کا دباوتھا۔ ہرمزکوکھلوانے سے متعلق پیرس میں 40 ممالک کی ایک میٹنگ مجوزہ ہے۔ اس میٹنگ میں فرانس-برطانیہ جیسے ممالک کے لیڈران شامل ہوں گے۔ ایران موجود وقت میں ایک ساتھ اتنے ممالک سے دشمنی مول نہیں لے سکتا ہے۔ عمان نے گزشتہ دنوں ٹول لینے کی تجویزمسترد کردی تھی۔ عمان کا کہنا تھا کہ جوراستہ نیچرل ہے، اس سے کیسے ٹول لیا جاسکتا ہے۔ اس کے بعد ایران پردباوبڑھ گیا تھا۔ حالانکہ ایک طرح سے یہ ایران کی جیت ہے۔ کیونکہ آبنائے ہرمزکھولنے کے بدلے حزب اللہ کے خلاف بھی جنگ بندی ہوگئی ہے۔

آبنائے ہرمز کیوں ہے پوری دنیا کے لئے اہم؟

آبنائے ہرمزخلیج فارس اورخلیج عمان کے درمیان ایک تنگ راستہ ہے۔ یہ راستہ دنیا کی تیل کی سپلائی کا تقریباً 20 فیصد لے جاتا ہے۔ قطر، سعودی عرب، متحدہ عرب امارات، عراق اور بحرین جیسے ممالک اس راستے سے دنیا کواپنا تیل فروخت کرتے ہیں۔ ایران اس 34 کلومیٹرطویل راستے کوکنٹرول کرتا ہے۔

بھارت ایکسپریس اردو-