بین الاقوامی

Slovakian PM Congratulates PM Modi: سلوواکیہ کے وزیراعظم نے پی ایم مودی کو ’غیر معمولی کامیابی‘ پر دی مبارکباد، بولے— ’یہ ایک سیاسی معجزہ ہے‘

براتسلاوا میں وزیراعظم مودی کے ساتھ مشترکہ پریس کانفرنس سے خطاب کرتے ہوئے فیتسو نے کہا، ’’اتنے متنوع اور پیچیدہ سیاسی ماحول میں مسلسل 12 برس تک قیادت برقرار رکھنا ایک غیر معمولی کامیابی ہے۔‘‘انہوں نے مزید کہا، ’’میں اس سیاسی استحکام کو نظرانداز نہیں کر سکتا جس کی آپ نمائندگی کرتے ہیں۔ میں آپ کو بھارت کے طویل ترین مدت تک خدمات انجام دینے والے وزیراعظم بننے پر مبارکباد پیش کرتا ہوں۔‘‘

’’یہ کامیابی ایک سیاسی معجزے کے مترادف‘‘

سلوواکیہ کے وزیراعظم کے مطابق، ’’یہ کامیابی ایک سیاسی معجزے کے مترادف ہے اور بھارت کی جمہوری طاقت اور قیادت کی صلاحیت کو ظاہر کرتی ہے۔‘‘اس سے قبل فرانس کے صدر ایمانوئل میکرون بھی وزیراعظم مودی کو اس تاریخی سنگ میل پر مبارکباد دے چکے ہیں۔ انہوں نے کہا تھا کہ یہ کامیابی بھارت کی مضبوطی اور قیادت کے تسلسل کی عکاس ہے۔

’بھارت اِنووویٹس 2026‘

نیس میں ’بھارت اِنووویٹس 2026‘ کے افتتاحی پروگرام کے دوران میکرون نے مودی کی موجودگی کو باعثِ فخر قرار دیتے ہوئے کہا، ’’میں آپ کو آزاد بھارت کے طویل ترین عرصے تک منتخب رہنے والے وزیراعظم کے طور پر مبارکباد دیتا ہوں۔ یہ سفر آپ کے عزم اور بھارت کی طاقت کی بہترین مثال ہے۔‘‘گزشتہ چند دنوں کے دوران دنیا بھر کے کئی سربراہانِ مملکت اور حکومتوں کے قائدین بھی وزیراعظم مودی کو اس تاریخی کامیابی پر مبارکباد اور نیک تمنائیں پیش کر چکے ہیں۔ وزیراعظم مودی اس وقت سلوواکیہ کے سرکاری دورے پر ہیں، جو آزادی کے بعد کسی بھارتی وزیراعظم کا پہلا سرکاری دورۂ سلوواکیہ ہے۔ اس موقع پر براتسلاوا قلعے میں ان کا باضابطہ استقبال کیا گیا، جس کے بعد دونوں رہنماؤں کے درمیان دوطرفہ مذاکرات ہوئے۔ ملاقات میں تجارت، سرمایہ کاری، دفاع، توانائی اور ٹیکنالوجی سمیت مختلف شعبوں میں تعاون بڑھانے پر تبادلۂ خیال کیا گیا۔

بھارت ایکسپریس اردو۔

Abul Kalam

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

59 minutes ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

3 hours ago