پاکستان کے سابق وزیر اعظم عمران خان کو بدعنوانی معاملے میں 14 سال اور بشریٰ بی بی کو7 سال کی سزا

پاکستان کے سابق وزیراعظم عمران خان اوران کی اہلیہ بشریٰ بی بی کوعدالت سے بڑا جھٹکا لگا ہے۔ جیل سے باہرآنے کی امیدوں کے درمیان عمران خان کوعدالت نے 14 سال کی سزا سنائی ہے جبکہ بشریٰ بی بی کو 7 سال کی سزا سنائی ہے۔ اس طرح سے اب وہ جیل سے باہرنہیں آپائیں گے۔ عدالت نے عمران خان کوالقادرٹرسٹ بدعنوانی معاملے میں 14 سال کی سزا سنائی ہے جبکہ بشریٰ بی بی کو 7 سال کی سزا سنائی گئی ہے۔ عمران خان کی اہلیہ بشریٰ بی بی کوگرفتارکرنے کا حکم دیا گیا ہے۔ بشریٰ بی بی فیصلہ سننے کے لئے ادیالہ جیل میں موجود تھیں، جہاں پولیس نے انہیں باضابطہ طور پرگرفتار کرنے کے لئے گھیرلیا اور وہ گرفتار ہوگئیں۔

جج ناصرجاوید رانا نے ادیالہ جیل میں ایک عارضی عدالت میں آج یہ اہم فیصلہ سنایا۔ جبکہ اس سے پہلے سزا پر فیصلہ تین بار ملتوی کیا جاچکا ہے۔ عدالت نے عمران خان پر 10 لاکھ روپئے اور بشریٰ بی بی پر 5 لاکھ روپئے کا جرمانہ بھی لگایا۔ جرمانہ نہیں بھرنے کی صورت میں انہیں 6 ماہ جیل کی سزا ہوگی۔ ادیالہ جیل کے باہر سخت سیکورٹی کے درمیان فیصلہ سنایا گیا، جس کے بعد بشریٰ بی بی کوکورٹ روم سے ہی گرفتار کرلیا گیا۔

بھارت ایکسپریس اردو۔