بین الاقوامی

Nepal Was Once Again Gripped: نئی حکومت بنتے ہی دوبارہ بے چینی کی لپیٹ میں آیا نیپال، طلبہ سیاست پر پابندی اور عوام پر بڑھتے ہوئے معاشی بوجھ کے باعث بڑھنے لگا عوامی غصہ

بھارتی وقت کے مطابق 22 اپریل کو نیپال کے نو منتخب وزیر داخلہ سُدان گروُنگ نے منی لانڈرنگ سے متعلق الزامات کے باعث اپنے عہدے سے استعفیٰ دے دیا۔ اس کے علاوہ لیبر وزیر کمار شاہ کو ضابطہ اخلاق کی خلاف ورزی کے الزام میں ہٹا دیا گیا۔ سُدان گروُنگ کے استعفے کے بعد پارٹی کے اندر بھی اختلافات سامنے آنے لگے، جس کے بعد وزیر اعظم بالیندر شاہ کے حکم پر انہوں نے استعفیٰ دیا۔

بالیندر شاہ کی حکومت قائم ہوتے ہیں سیاسی بے چینی

ستمبر 2025 میں نیپال میں سابق وزیر اعظم کے پی اولی کی حکومت کے خلاف ’جین-زی‘ تحریک نے احتجاج شروع کیا تھا۔ یہ احتجاج سوشل میڈیا پر پابندی، بدعنوانی، بے روزگاری اور مہنگائی کے خلاف شروع ہوا تھا جو بعد میں پرتشدد ہو گیا اور سابق حکومت کے خاتمے کا باعث بنا۔اس کے بعد انتخابات کے ذریعے بالیندر شاہ کی حکومت قائم ہوئی۔ تاہم حکومت بننے کے بعد ایسے کئی فیصلے کیے گئے جن سے سیاسی بے چینی پیدا ہوئی ہے۔

کسٹم ڈیوٹی نافذ کرنے کے اعلان سے شدید ردعمل

حالیہ طور پر بالیندر شاہ حکومت نے نیپال-بھارت سرحد پر کسٹم ڈیوٹی نافذ کرنے کا اعلان کیا، جس پر شدید ردعمل سامنے آ رہا ہے۔ اس فیصلے کے تحت بھارت سے نیپال لائے جانے والے 100 روپے سے زائد مال پر ڈیوٹی لگائی جائے گی۔ سرحدی علاقوں میں تلاشی اور جانچ کی تصاویر بھی سامنے آئی ہیں، جس سے عوامی ناراضگی میں اضافہ ہوا ہے۔رپورٹس کے مطابق یہ تنازع صرف ایک فیصلے تک محدود نہیں بلکہ معاشی پالیسیوں، حکمرانی کے خدشات اور بدعنوانی کے الزامات نے بھی عوامی غصے کو بڑھایا ہے۔

طلبہ سیاست پر پابندی بھی بڑے احتجاج کی وجہ

اس کے علاوہ حکومت کی جانب سے طلبہ سیاست پر پابندی بھی بڑے احتجاج کی وجہ بنی ہے۔ بالیندر شاہ نے عہدہ سنبھالتے ہی سیاسی جماعتوں سے وابستہ اسٹوڈنٹ یونینز پر پابندی عائد کر دی، جس کے بعد تعلیمی اداروں میں طلبہ میں شدید غصہ پایا جا رہا ہے اور بڑے پیمانے پر احتجاج شروع ہو گئے ہیں۔طلبہ لیڈروں کا کہنا ہے کہ حکومت نے بات چیت کے بجائے پابندی کا راستہ اختیار کیا ہے۔ مظاہرین نے مطالبہ کیا ہے کہ اس فیصلے کو واپس لیا جائے اور تعلیمی اداروں میں طلبہ کی نمائندگی کو محفوظ رکھا جائے۔کے پی اولی حکومت کے خلاف نوجوانوں نے اسی امید پر بالیندر شاہ کی حمایت کی تھی کہ وہ بدعنوانی اور عوامی مسائل پر کام کریں گے، لیکن حالیہ فیصلوں نے ان کی قیادت پر سوال کھڑے کر دیے ہیں۔خاص طور پر کسٹم ڈیوٹی کے فیصلے نے سرحدی علاقوں میں رہنے والے لوگوں کو متاثر کیا ہے، جو روزمرہ ضروریات جیسے راشن، ادویات اور دیگر سامان کے لیے بھارتی بازاروں پر انحصار کرتے ہیں۔حالات کو دیکھتے ہوئے سوال یہ ہے کہ آیا بالیندر شاہ کی حکومت عوامی توقعات پر پوری اتر سکے گی یا نیپال ایک بار پھر سیاسی بے چینی کے دور میں داخل ہو جائے گا۔

بھارت ایکسپریس اردو۔

Abul Kalam

Recent Posts

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

19 minutes ago

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

2 hours ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

2 hours ago