نیپال طیارہ حادثہ میں 18 افراد کی موت کی تصدیق ہوچکی ہے۔
Kathmandu Aircraft Crash: نیپال کے دارالحکومت کاٹھمانڈومیں ٹیک آف کے دوران ایک طیارہ حادثے کا شکارہوگیا۔ اس طیارہ میں 19 افراد سوارتھے۔ اس حادثے میں 18 لوگوں کی موت کی تصدیق کی گئی ہے۔ وہیں، طیارہ کا پائلٹ شدید طورپر زخمی ہے۔ اس کا علاج چل رہا ہے۔ کیپٹن کا نام شاکیہ بتایا جا رہا ہے۔
کاٹھمانڈوپوسٹ کے مطابق، سوریہ ایئرلائنس کا ایک طیارہ بدھ کوکاٹھمانڈوکے تری بھون انٹرنیشنل ایئرپورٹ پر پروازکرنے کے دوران حادثے کا شکارہوگیا۔ ٹی آئی اے کے ترجمان پریم ناتھ ٹھاکرنے کہا کہ پوکھرا جا رہے طیارہ میں پائلٹ ٹیم سمیت 19 لوگ سوارتھے۔ طیارہ صبح تقریباً 11 بجے حادثہ ہوگیا۔ پولیس اورفائربریگیڈ محکمہ کے ملازمین جائے حادثہ پربچاؤ مہم چلا رہے ہیں۔ حادثے کے بعد پورے علاقے میں دھواں چھایا ہوا ہے۔
طیارہ ٹیک آف کے دوران رن وے سے پھسل گیا
جیسے ہی طیارہ حادثہ ہوا تواس میں بیٹھے مسافروں میں چیخ وپکارمچ گئی۔ کاٹھمانڈو پوسٹ کے مطابق، دارالحکومت کے تری بھون انٹرنیشنل ایئرپورٹ پر سوریہ ایئرلائنس کے طیارہ میں یہ حادثہ ہوا۔ ایئرپورٹ کے ذرائع کے حوالے سے کاٹھمانڈو پوسٹ نے لکھا، ٹیک آف کرنے کے دوران ہی طیارہ رن وے سے پھسل گیا تھا، جس کی وجہ سے یہ حادثہ ہوا۔ یہ طیارہ کاٹھمانڈو سے پوکھرا جا رہا تھا اور اس میں کل 19 لوگ سوارتھے۔ وہیں، حادثہ کے بعد طیارہ میں آگ لگ گیا اورآسمان میں دھواں کا بھاری غبار دیکھنے کو ملا۔ حادثہ کے سبب طیارہ میں لگی آگ کو بجھانے کے لئے فائربریگیڈ کے ملازمین اور سیکورٹی اہلکاروں کی ٹیم لگائی گئی ہے۔
فوج کے جوانوں کو جائے حادثہ پر بھیجا گیا
حادثے کی اطلاع ملتے ہی حکومت نے راحت بچاؤ کام کے لئے فوج کے جوانوں کو موقع پر بھیجا ہے۔ میڈیکل سے متعلق فوج کے جوانوں کی ٹیم راحت بچاؤ کام میں مصروف ہے، جس طرح کی آگ لگی ہے۔ وہ بری خبر کی طرف اشارہ کررہی ہے۔
بھارت ایکسپریس–
شلپا کی نجی زندگی میں ایک بڑی تبدیلی آئی۔ سال 2000 میں انہوں نے بینکر…
21 نومبر کو وزیر اعظم نریندر مودی کا بہار دورہ، اس سے قبل ریاست بھر…
پلاٹینم جوبلی تقریب ادارے کے شاندار سفر کا جشن منانے کے ساتھ ساتھ مستقبل کے…
برڈ فلو کے خلاف بھارت کی پہلی دیسی ویکسین تیار کر لی گئی ہے۔ وزیر…
انٹرپول کے ریڈ نوٹس کے بعد سی بی آئی کی بڑی کارروائی، ملزم محمد مازن…
چرنجیوی نے اپنے خط میں 2 نومبر کو وزیر داخلہ امت شاہ سے ہونے والی…