Memorial Wall for fallen Peacekeepers: امن مشن کے شہید بھارتی فوجیوں کیلئے اقوام متحدہ کے ہیڈکوارٹر میں ”میموریل وال” کی تعمیر کا فیصلہ

Memorial Wall for fallen Peacekeepers: اقوام متحدہ کی جنرل اسمبلی (یو این جی اے) نے امن دستہ کے شہید  جوانوں  کے اعزاز میں اقوام متحدہ کے ہیڈ کوارٹر میں ایک میموریل وال قائم کرنے کا فیصلہ کیا ہے۔ جنرل اسمبلی نے اس کے لیے بھارت کی تجویز کو متفقہ طور پر قبول کر لیا ہے۔اقوام متحدہ میں ہندوستان کی مستقل مندوب روچیرا کمبوج نے شہید امن  دستہ فوجیوں کے لیے ایک یادگار دیوار تعمیر کرنے کی تجویز پیش کی۔ تجویز پیش کرتے ہوئے انہوں نے کہا تھا کہ یادگاری دیوار اس بات کا ثبوت ہو گی کہ اقوام متحدہ اپنے امن مشن کو کتنی اہمیت دیتا ہے۔ دیوار عوام کو شہداء کی قربانیوں کی یاد دلائے گی۔ خاص بات یہ ہے کہ یہ قرارداد ایسے وقت میں پاس کی گئی ہے جب پی ایم نریندر مودی اگلے ہفتے امریکہ کے سرکاری دورے پر جانے والے ہیں۔ وہ 21 جون کو اقوام متحدہ کے ہیڈکوارٹر میں منعقد ہونے والی بین الاقوامی یوگا ڈے کی تقریبات میں بھی شرکت کریں گے۔ ہندوستان اس وقت اقوام متحدہ کے امن مشن میں حصہ لینے والا تیسرا سب سے بڑا ملک ہے۔

امن آپریشنز میں 177 ہندوستانیوں نے قربانیاں دی ہیں

فی الحال قریب  6 ہزار سے زیادہ ہندوستانی فوجی اور پولیس اہلکار،  وسطی افریقی جمہوریہ، قبرص، کانگو، لبنان، خلیجی خطہ اور مغربی سحارا میں اقوام متحدہ کے امن مشن کا حصہ ہیں۔ امن مشن کے دوران اب تک 177 ہندوستانی امن فوجیوں نے سب سے زیادہ قربانیاں دی ہیں۔ شہید امن فوجیوں کی یہ تعداد کسی بھی دوسرے ملک سے زیادہ ہے۔ اقوام متحدہ کے جنرل اسمبلی کو 18 ممالک نے یہ تجویز پیش کی تھی ، جن میں بھارت، بنگلہ دیش، کینیڈا، چین، ڈنمارک، مصر، فرانس، انڈونیشیا، اردن، نیپال، روانڈا اور امریکہ شامل ہیں۔ اس میں قرارداد کے مسودے کی منظوری کے تین سال کے اندر یادگاری دیوار کی تعمیر مکمل کرنے کا بندوبست کیا گیا ہے۔

پی ایم مودی نے کہا  شکریہ

وزیر اعظم مودی نے ہندوستان کی طرف سے پیش کردہ قرارداد کی حمایت کرنے کے لئے تمام رکن ممالک کا شکریہ ادا کیا ہے۔ انہوں نے ٹویٹ کیا کہ  مجھے خوشی ہے کہ اقوام متحدہ کی جنرل اسمبلی میں شہید امن فوجیوں کے لیے ایک نئی یادگاری دیوار قائم کرنے کی قرارداد منظور کر لی گئی ہے۔ ریکارڈ 190 ممالک نے اس قرارداد کومشترکہ طور پر منظور کیا ہے ۔میں آپ تمام کے اس  تعاون کے لیے سب کا مشکور ہوں۔نئی یادگاری دیوار پر رکن ممالک کے ان تمام امن فوجیوں کے نام ہوں گے جنہوں نے  1948 کے بعد سے دنیا کے مختلف تنازعات سے متاثرہ علاقوں میں امن مشن کے دوران عالمی ادارے کی اقدار کی حفاظت کے لیے اپنی جانوں کا نذرانہ پیش کیا ہے۔

بھارت ایکسپریس۔