امریکہ میں بنجامن نیتن یاہو نے یرغمالیوں کے اہل خانہ سے کی ملاقات، رہائی سے متعلق کہی یہ بڑی بات

وہیں دوہری شہریت والے امریکی-اسرائیلی شہری اورفوجی اتائی چین کے والد روبی چین نے نیتن یاہو سے ملاقات کی۔ فوجی اتائی چین کی لاش ابھی بھی غزہ میں رکھی ہوئی ہے۔ نیتن یاہوکے بیان سے متعلق انہوں نے اسرائیلی آرمی ریڈیوسے کہا کہ جوکچھ بھی بتایا گیا ہے، اس پرپوری طرح سے یقین نہیں ہے۔ انہوں نے کہا کہ اس کے سچ ہونے کا امکان نہیں ہے۔ اس کے ساتھ ہی روبی چین نے امید کا اظہارکیا ہے کہ جو بائیڈن جنہوں نے صدارتی الیکشن نہ لڑنے کا فیصلہ کیا ہے اورڈیموکریٹک امیدوارکے طورپرکملا ہیرس کی حمایت کی ہے۔ معاہدہ کومحفوظ کرنے کے لئے بنجامن نیتن یاہو پرزیادہ دباؤ ڈالیں گے۔

7 اکتوبر2023 سے حماس اوراسرائیل میں جاری ہے جنگ

 7 اکتوبر 2023 کوحماس کے جنگجوؤں نے اسرائیل پرحملہ کیا تھا۔ اس حملے میں 1200 لوگ مارے گئے تھے۔ وہیں تقریباً 250 اسرائیلی شہریوں کوحماس نے یرغمال بنا لیا تھا۔ حالانکہ کچھ دنوں کی جنگ بندی کے دوران تقریباً نصف یرغمالیوں کورہا کردیا گیا تھا۔ ابھی بھی حماس کی گرفت میں 120 یرغمالی ہیں۔ وہیں حماس کے زیرانتظام غزہ کی وزارت صحت کے مطابق، اکتوبر سے جاری جنگ میں اسرائیلی حملوں سے 39,000  سے زیادہ فلسطینی شہریوں کی موت ہوگئی ہے جبکہ بمباری سے سینکڑوں ہزاروں لوگ بے گھرہوگئے ہیں۔ وہیں بیشترعلاقے برباد ہوگئے ہیں۔