’جنگ نہیں چاہتے، لیکن حملے کا جواب دیں گے‘، امریکہ-اسرائیل کو ایران نے دی کھلی کی دھمکی

اسی سال 13 جون کو اسرائیل نے ایرانی نیوکلیئر ٹھکانوں اورملٹری بیس پرایئر اسٹرائیک کی تھی، جس میں ایرانی آرمی کے ٹاپ کمانڈراور نیوکلیئرسائنسدانوں سمیت 1,000  سے زیادہ لوگ مارے گئے تھے۔ ایران نے میزائل اورڈرون حملوں سے جواب دیا، جس میں درجنوں اسرائیلی لوگوں کی جان چلی گئی۔ امریکہ نے ایران کے تین نیوکلیئرٹھکانوں پربمباری کی تھی۔ 24 جون کو اسرائیل- ایران کے درمیان جنگ بندی ہوئی۔ حالانکہ جدوجہد ختم ہونے سے پہلے ایران نے قطرمیں امریکی ملٹری بیس پر حملہ کیا۔ ایران میں 600 سے زیادہ لوگوں کی موت ہوئی جبکہ 5,000  سے زیادہ زخمی ہوئے۔ وہیں اسرائیل میں 28 افراد ہلاک ہوئے اور3,000 سے زیادہ لوگ زخمی ہوئے تھے۔

ایران کی نیوی نے ایکسرسائز کی

اسرائیل نے اگردوبارہ حملہ کیا توایران جواب دینے کے لیے پوری طرح تیارہے۔ ایران کی بحریہ نے خلیج عمان اوربحرہند میں مشقیں کی ہیں۔ اسرائیل پرسمندرسے حملہ کرنے کے لیے ایران پوری طرح تیار ہے۔ گزشتہ جنگ سے سبق سیکھتے ہوئے ایران نے اپنی خامیاں دور کی ہیں۔ ایران نے اپنے اہم اڈوں کی سکیورٹی سخت کردی ہے۔

ایران بڑھا رہا ہے اپنے جوہری پروگرام

رپورٹ کے مطابق، روس اورچین کی مدد سے ایران اپنے جوہری پروگرام کوبڑھا رہا ہے۔ ایران نے بھی اپنے جوہری پروگرام کو کامیاب بنانے کے لیے سفارت کاری تیزکردی ہے۔ اسرائیل کو ایران کی یہ سفارت کاری پسند نہیں آرہا ہے۔ بنجامن نیتن یاہو اورڈونالڈ ٹرمپ ایران کے سپریم لیڈر آیت اللہ خامنہ ای کی جوہری سرگرمیوں سے پریشان ہیں۔ ایسے میں خیال کیا جا رہا ہے کہ ٹرمپ اسرائیل کوکسی بھی وقت حملے کی اجازت دے سکتے ہیں۔ یہی وجہ ہے کہ اسرائیل اورایران کے درمیان دوسری جنگ کا امکان بہت بڑھ گیا ہے۔