Pakistans-Iran air strike latest update: پاکستان میں جمعہ کو ہائی الرٹ ڈکلیئر کیا گیا ہے۔ یہاں پڑوسی ملک کی راجدھانی اسلام آباد کے سرحد سیل کئے گئے ہیں اور ہرطرف پاکستان پولیس اورآرمی تعینات ہے۔ اسلام آباد میں جگہ جگہ گاڑیوں کی جانچ کی جارہی ہے اورمشتبہ افراد کو روک کر پوچھ گچھ کی جارہی ہے۔ اس سے پہلے پاکستان نے ایران پرایئر اسٹرائیک کی تھی، جس میں سات لوگوں کی موت ہوئی ہے۔
جانکاری کے دوران، اسلام آباد وزیراعظم دفتر، پاکستانی پارلیمنٹ اور دیگراہم دفاتر کے آس پاس پولیس سیکورٹی بڑھا دی گئی ہے۔ یہاں جگہ جگہ فوج تعینات ہے، جو مشتبہ نظرآرہے لوگوں کو روک کرپوچھ گچھ کر رہی ہے۔ وہیں، اسلام آباد کے سرحد سیل کئے گئے ہیں۔ دارالحکومت میں بغیر جانچ اور شناختی کارڈ دکھائے کسی کو داخل نہیں کیا جا رہا ہے۔
میڈیا رپورٹس کے مطابق، جمعہ کی صبح سے ہی پاکستان کے کراچی، اسلام آباد، لاہور، فیصل آباد سمیت اہم شہروں میں سیکورٹی بڑھا دی گئی ہے۔ پاکستان کے ذریعہ ایران پر کی گئی ایئر اسٹرائیک کے بعد یہ قدم اٹھایا گیا ہے۔ اس سے پہلے ایران بھی پاکستان پرایئراسٹرائیک کرچکا ہے۔ دونوں ممالک نے ایک دوسرے کے خلاف اپنے یہاں دہشت گردتنظیموں کو سپورٹ کرنے کاالزام لگایا ہے۔ ایک دوسرے کے الزامات کی دونوں نے تردید کی ہے۔ ایئراسٹرائیک میں ابھی تک تقریباً ڈیڑھ درجن لوگوں کی موت کی خبر ہے۔
جانکاری کے مطابق، ایران نے پہلے پاکستان میں دہشت گرد تنظیم جیش العدل کے ٹھکانوں کو نشانہ بنایا تھا۔ یہ سنی مبینہ دہشت گرد تنظیم ہے۔ ایران کا الزام تھا کہ پاکستانی فوج اس گروپ کی حمایت کرتی ہے، جوایران میں کئی دہشت گردانہ واردات کو انجام دے چکا ہے اورایران میں عام لوگوں کا خون بہا چکا ہے۔ وہیں، پاکستان نے ایران میں بلوچستان لبریشن آرمی (بی ایل اے) اوربلوچستان لبریشن فورس (بی ایل ایف) کے ایک سے زیادہ ٹھکانوں پرایئراسٹرائیک کی۔ پاکستان وزارت خارجہ نے کہا تھا کہ وہ اپنے ملک کی سیکورٹی سے کوئی معاہدہ نہیں کرے گا۔ اس نے کئی بارایران کو اس کے یہاں پنپ رہے بی ایل ایف اور بی ایل اے جیسی تنظیموں کے دہشت گردانہ رپورٹ بھیجی، لیکن اس نے ان پرکوئی ٹھوس کارروائی نہیں کی۔
بھارت ایکسپریس۔