Iran launched Missile On Pakistan: ایران کا پاکستان میں دہشت گردانہ ٹھکانوں پر حملہ، جیش العدل کے ٹھکانوں پر میزائل داغنے کا دعویٰ

ایران نے منگل (16 جنوری) کو پاکستان میں دہشت گردانہ گروپ جیش العدل کے ٹھکانوں کو نشانہ بناکرحملے کئے۔ نیوز ایجنسی اے پی نے ایران کی سرکاری آئی آراین اے نیوز ایجنسی کے حوالے سے کہا کہ حملوں میں میزائلوں اور ڈرون کا استعمال کیا گیا تھا، جسے پاکستان نے فوری طور پر قبول نہیں کیا۔ جیش العدل ایک سنی مبینہ دہشت گرد گروپ ہے، جو بڑے پیمانے پرجوہری ہتھیاروں سے لیس پاکستان میں سرحد پارسے کام کرتا ہے۔

نیوزایجنسی رائٹرس کے مطابق، ایران کے سرکاری میڈیا نے بتایا کہ بلوچی دہشت گرد گروپ جیش العدل کے دوٹھکانوں کومیزائلوں سے نشانہ بنایا گیا۔ اس سے ایک دن پہلے ایران کے اس سے ایک روز قبل ایران کے  پاسداران انقلاب کی جانب سے عراق اور شام میں اہداف پرمیزائل گرائے گئے تھے۔

مبینہ دہشت گرد گروہ پہلے پاکستان کے ساتھ سرحدی علاقے میں ایرانی سیکورٹی فورسز پرحملہ کر چکا ہے۔ ایران کے سرکاری میڈیا کا کہنا ہے کہ دہشت گردوں کے ٹھکانوں پرمیزائل اورڈرون سے حملہ کرکے انہیں تباہ کر دیا گیا۔ ایران کی جانب سے پاکستان میں دہشت گردوں کے اہداف پرحملے کا دعویٰ ایک ایسے وقت میں سامنے آیا ہے، جب ایرانی وزیر خارجہ حسین امیرعبداللہ ہیان اور پاکستان کے قائم مقام وزیراعظم انورککڑ نے ڈیووس میں ڈبلیو ای ایف کے موقع پرملاقات کی ہے۔ ایران کے اس دعوے پرپاکستان نے ابھی تک  کوئی تبصرہ نہیں کیا ہے۔