Imran Khan will be produced in the court today: پاکستان میں جاری تشدد کے درمیان عمران خان کو آج 3 بجے نیب عدالت میں پیش کیا جائے گا

Imran Khan will be produced in the court today: عمران خان کو سہ پہر 3 بجے نیب عدالت میں پیش کیا جائے گا۔ عمران خان کی پیشی کے موقع پر سیکیورٹی کے سخت انتظامات کیے گئے ہیں۔ عدالت کے احاطے میں صرف عدالت کی طرف سے مجاز افراد کو ہی داخلہ دیا جائے گا۔ سرکاری و نجی املاک کو نقصان پہنچانے والوں کے خلاف سخت کارروائی کی جائے گی۔ قانون شکنی کرنے والے شر پسند عناصر کے خلاف قانون حرکت میں آئے گا۔ دہشت گردی کے خطرات کے پیش نظر سکیورٹی ہائی الرٹ کر دی گئی ہے اور مسلح پولیس تعینات کی گی ہے۔

پاکستان کے سابق وزیراعظم عمران خان کو منگل کو گرفتار کیا گیا تھا- آج یعنی 10مئی کو عمران خان کو عدالت میں پیش کیا جائے گا۔ گزشتہ روز سے عمران خان کی پارٹی پاکستان تحریک انصاف (پی ٹی آئی) کے حامیوں کی جانب سے مسلسل ہنگامہ آرائی اور پاکستان میں بگڑتی  صورتحال کے پیش نظر دارالحکومت اسلام آباد کی پولیس لائن میں خصوصی عدالت قائم کی جائے گی۔ قابل ذکر بات یہ ہے کہ  اس میں عمران کے خلاف توشہ خانہ کیس میں بھی فرد جرم عائد کی جا سکتی ہے۔ اسلام آباد سے بھی کچھ تصاویر سامنے آئی ہیں جن میں آپ خود دیکھ سکتے ہیں کہ عمران خان  کرسی پر انتہائی پریشان حال میں نظر آ رہے ہیں۔

عمران خان کی گرفتاری کے بعد پاکستان میں بہت زیادہ تشدد دیکھنے میں آرہا ہے ۔ عمران خن  کے حامیوں نے ریڈیو سٹیشن، ہوائی اڈے، آرمی ہیڈ کوارٹر ہر جگہ حملہ کیا۔ مختلف مقامات پر آتشزدگی ہوئی، پتھراؤ بھی ہوا۔ سیکورٹی فورسز کو بھیڑ اور ہنگامہ پر قابو پانے میں کافی دقت کا سامنا کرنا پڑا۔ ادھر اسلام آباد ہائی کورٹ نے گرفتاری کو قانونی قرار دیا ہے۔

 امریکہ، برطانیہ اور کینیڈا نے پاکستان کے سابق وزیر اعظم عمران خان کی گرفتاری کے بعد سیاسی بے چینی کا حوالہ دیتے ہوئے اپنے شہریوں کے لیے نئی ٹریول ایڈوائزری جاری کی ہے۔ ٹریول ایڈوائزری میں پاکستان کا سفر کرنے سے گریز کرنے کا مشورہ دیا گیا ہے۔