World Bank Support to Bangladesh: بنگلہ دیش ہوگا مالامال، پہلے امریکہ اور اب ورلڈ بینک دے گا2 ارب ڈالر امداد

World Bank Support to Bangladesh: ورلڈ بینک نے منگل کو اعلان کیا ہے کہ وہ رواں مالی سال میں بنگلہ دیش کو 2 بلین امریکی ڈالر کی اضافی رقم دے گا، یہ 2 ارب امریکی ڈالر کی رقم بنگلہ دیش کو اہم اصلاحات، سیلاب سے نمٹنے، ہوا کے بہتر معیار صحت کی دیکھ بھال اور بنیادی ڈھانچہ مضبوط ترقی کے لئے دی جائے گی۔

ورلڈ بینک کے ریجنل ڈائریکٹر عبدولے سیک نے منگل کو ڈھاکہ میں عبوری حکومت کے چیف ایڈوائزر محمد یونس سے ملاقات کے دوران نئی امداد فراہم کرنے کا وعدہ کیا۔ عبدولے سیک نے کہا، “ورلڈ بینک عبوری حکومت کے اصلاحاتی ایجنڈے کی حمایت کے لیے موجودہ مالی سال میں بنگلہ دیش کو اپنے قرضے میں اضافہ کرنے کے لیے پرعزم ہے۔”

چیف ایڈوائزر نے سوشل میڈیا پلیٹ فارم ایکس پر پوسٹ کرکے اس کی جانکاری دی۔ یونس نے ٹویٹر پر لکھا، “سیک کے مطابق، ورلڈ بینک اہم اصلاحات، سیلاب کے ردعمل، بہتر ہوا کے معیار اور صحت کی خدمات میں مدد کے لیے موجودہ مالی سال میں تقریباً 2 بلین ڈالر کی اضافی امداد فراہم کرے گا۔”

اس سے قبل امریکہ نے بھی بنگلہ دیش کو 200 ملین ڈالر کی امداد دی تھی۔ بنگلہ دیشی وزارت خزانہ کے مطابق وہ اس رقم کو نوجوانوں کی بہبود، صحت کی خدمات کو بہتر بنانے اور کاروباری مواقع بڑھانے کے لیے استعمال کرے گی۔

بنگلہ دیش میں زبردست مظاہروں کے درمیان وزیراعظم شیخ حسینہ کو ملک چھوڑنا پڑا جس کے بعد بنگلہ دیش میں سیاسی صورتحال مکمل طور پر بگڑ گئی۔

یہ بھی پڑھیں- Palestinian newborns killed by Israeli forces: فلسطین میں اب تک 710 نوزائیدہ بچوں کو شہید کرچکا ہے اسرائیل،ہزاروں ماوں پر توڑ چکا ہے مصیبتوں کا پہاڑ

مظاہرین نے وزیراعظم کی رہائش گاہ اور پارلیمنٹ سمیت کئی مقامات پر توڑ پھوڑ کی۔ حالات خراب ہوتے ہی ہندو برادری کو پریشانی کا سامنا کرنا پڑا۔

سیاسی بحران کے بعد بنگلہ دیش میں نئی ​​حکومت قائم ہوئی۔ نوبل انعام یافتہ محمد یونس کو بنگلہ دیش کا قائم مقام وزیر اعظم مقرر کر دیا گیا ہے۔

-بھارت ایکسپریس