آیت اللہ علی خامنہ ای کے بیٹے مجبتیٰ کو ایران کا سپریم لیڈر منتخب کیا گیا، رپورٹ میں بڑا دعویٰ

امریکہ-اسرائیل کے ہوائی حملوں اورایران کے سپریم لیڈرآیت اللہ علی خامنہ ای کے قتل کے درمیان ملک کا سب سے طاقتورادارہ اسمبلی آف ایکسپرٹس نے ان کے بیٹے مجتبیٰ خامنہ ای کو آئندہ سپریم لیڈر(رہبراعلیٰ) منتخب کرلیا ہے۔ یہ فیصلہ اسلامک ریولیوشنری گارڈس کاپرس (آئی آرجی سی) یعنی ریولیوشنری گارڈس کے دباو میں لیا گیا ہے۔ برطانیہ میں مقیم ایران انٹرنیشنل نے ذرائع کا حوالہ دیتے ہوئے اطلاع دی ہے کہ انتخابات 3 مارچ 2026 کو ہوئے تھے، جب ملک جنگ میں تھا اورآیت اللہ علی خامنہ ای کا قتل ہوگیا تھا۔

کون ہیں مجتبیٰ خامنہ ای؟

مجتبیٰ خامنہ ای کی عمرتقریباً 56 سال ہے۔ وہ لمبے وقت سے سیاسی پردے کے پیچھے سے سرگرم تھے۔ وہ ایک متوسط مذہبی لیڈر ہیں، لیکن ان کی اصلی طاقت پاسداران انقلاب اور بسیج فورسزسے گہرے رشتے ہیں۔ یہ انتخاب متنازعہ بھی ہوسکتا ہے کیونکہ ایران کا 1979 کا اسلامی انقلاب بادشاہت کے خاتمے کے لئے شروع کیا گیا تھا۔ انقلاب کے بنیادی اصول باپ بیٹے کی جانشینی کوغیراسلامی سمجھتے ہیں۔ اس لئے خامنہ ای کے بیٹے کورہبراعلیٰ مقررکرنے کوانقلاب کی روح کے خلاف قراردیا جاسکتا ہے۔

آئی آرجی سی کا دباو اورجنگ کا اثر

اسلامک ریولیوشنری گارڈس کاپرس (آئی آرجی سی) یعنی پاسداران انقلاب ایران کا سب سے طاقتورادارہ ہے۔ یہ فوج، معیشت اورسیاست میں براہ راست مداخلت کرتا ہے۔ امریکی اسرائیلی حملوں کی وجہ سے ماہرین کی 88 رکنی اسمبلی کا جسمانی اجلاس ممکن نہیں ہوسکا۔ اس لیے ورچوئل میٹنگ منعقد کرنے کا فیصلہ کیا گیا۔ ذرائع کے مطابق، آئی آرجی سی نے مجتبیٰ خامنہ ای کومنتخب کرنے کے لیے مذہبی رہنماؤں پربراہ راست دباؤ ڈالا۔ ان کا موقف تھا کہ یہ جنگ زدہ ماحول میں استحکام برقراررکھنے اوراپنی سخت گیرپالیسیوں کو جاری رکھنے کے لیے ضروری ہے۔ اسے ایران کے سخت گیرعناصرکی ایک بڑی فتح کے طورپردیکھا جا رہا ہے۔ تاہم، تجزیہ کاروں کا کہنا ہے کہ موروثی جانشینی اندرونی عدم اطمینان کوبڑھا سکتی ہے۔