امریکی گرین کارد
واشنگٹن: امریکہ میں صدر کے مشاورتی کمیشن نے 1992 کے بعد استعمال نہیں کیے گئے خاندانی اور ملازمت کے زمرے سے 2,30,000 سے زیادہ گرین کارڈز کو واپس لینے کی سفارش کی منظوری دی ہے۔ جس سے اس کارڈ کے لیے انتظار کرنے والے ہزاروں ہند نژاد امریکیوں کو فائدہ ہو سکتا ہے۔ بتا دیں کہ گرین کارڈ کو سرکاری مستقل رہائشی کارڈ کے طور پر بھی جانا جاتا ہے۔ یہ دستاویز امریکہ میں مقیم تارکین وطن کو جاری کی جاتی ہے، جو اس بات کا ثبوت ہوتا ہے کہ کارڈ ہولڈر کو ملک میں مستقل رہائش کا خاص حق دیا گیا ہے۔
اجے بھوٹوریہ نے کمیشن کے سامنے رکھی اپنی سفارش
امریکی صدر جو بائیڈن کے ‘ایشیائی امریکی، مقامی ہوائی اور بحر الکاہل کے جزیروں پر مشاورتی کمیشن’ کے رکن ہند نژاد امریکی کاروباری اجے بھوٹوریہ نے کمیشن کے سامنے جمعرات کے روز رکھی گئی اپنی سفارشات کے متعلق بتایا کہ 1992 سے 2022 تک استعمال نہ کیے گئے روزگار پر مبنی 230,000 سے زیادہ گرین کارڈز کو واپس لیا جائے گا اور ہر مالی سال میں ان میں سے کچھ کارڈ کو جاری کرنے کا عمل شروع کیا جائے گا۔ یہ کارڈز اس زمرے کے لیے مقرر کردہ 1,40,000 کارڈز کی سالانہ حد کے علاوہ ہوں گے۔
یہ بھی پڑھیں: گجرات ہائی کورٹ نے ہتک عزت کیس میں راہل گاندھی کی سزا پر روک لگانے سے کردیا انکار
کارڈ کی انتظار کی فہرستوں میں 100 فیصد سے زیادہ اضافہ
انہوں نے کہا کہ “غیر استعمال شدہ گرین کارڈز کو واپس لینے اور انہیں مستقبل میں ضائع ہونے سے روکنے” کا مقصد گرین کارڈ کی درخواست کے عمل میں نوکر شاہی کی وجہ سے ہونے والی تاخیر کے مسئلے کو دور کرنا اور کارڈ حاصل کرنے کے منتظر افراد کو ریلیف فراہم کرنا ہے۔ کمیشن نے خاندان اور ملازمت کے زمرے میں تمام گرین کارڈز کو واپس لینے کی سفارش کی منظوری دی ہے جو 1992 سے استعمال نہیں ہوئے ہیں۔ کانگریس کی ریسرچ سروس کے مطابق، گزشتہ دو دہائیوں کے دوران، خاندان کے زیر اہتمام گرین کارڈ کی انتظار کی فہرستوں میں لوگوں کی تعداد میں 100 فیصد سے زیادہ اضافہ ہوا ہے۔
یہ بھی پڑھیں: امریکی قانون سازوں، بھارتی امریکیوں نے سان فرانسسکو میں بھارتی قونصل خانے پر حملے کی مذمت کی ہے
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…