Adani Green Ranked First In Asia: ای ایس جی میں بہترین کارکردگی کے باعث ”اڈانی گرین انرجی” ایشیا میں سرفہرست،دنیا کی ٹاپ 10 آر ای کمپنیوں میں بھی شامل

Adani Green Ranked First In Asia: اڈانی گرین انرجی لمیٹڈ یعنی اے جی ای ایل ہندوستان کی سب سے بڑی قابل تجدید توانائی پیدا کرنے والی کمپنی اور اڈانی پورٹ فولیو کی قابل تجدید توانائی برانچ کو ایشیا میں پہلے نمبر پر رکھا گیا ہے اور آئی ایس ایس کے ذریعہ قابل تجدید توانائی کے شعبے میں عالمی سطح پر سرفہرست 10 کمپنیوں میں شامل کیا گیا ہے۔ اے جی ای ایل  کو پرائم بی پلس بینڈ میں اس کے مضبوط ای ایس جی انکشاف کے طریقوں اور اعلیٰ درجے کی شفافیت کے اعتراف میں رکھا گیا ہے۔ یہ سنگ میل اے جی ای ایل کو مالی سال 2025تک پاور یوٹیلیٹی سیکٹر میں دنیا کی ٹاپ 10ای ایس جی کمپنیوں میں شامل ہونے کے اپنے ہدف کو حاصل کرنے کے قریب لے جاتا ہے۔ اے جی ای ایل کو پہلے ہی مالی سال 2023میں سسٹنلیٹکس کی طرف سے قابل تجدید توانائی کے شعبے میں دنیا کی ٹاپ 10 کمپنیوں میں شامل کیا جا چکا ہے۔

اے جی ای ایل کے پاس 8,216 میگاواٹ کے ساتھ ہندوستان میں سب سے بڑا آپریشنل قابل تجدید پورٹ فولیو ہے۔ اس کے آپریشنز ماحولیاتی تبدیلیوں سے لڑنے میں اپنے تعاون کے ذریعے زیادہ پائیدار توانائی کے نظام میں منتقلی کو قابل بنا کر واضح ماحولیاتی فوائد فراہم کرتے ہیں۔ متعلقہ سماجی اور ماحولیاتی خطرات کو وقف انتظامی نظاموں کے ذریعے حل کیا جاتا ہے۔ اے جی ای ایل مضبوطی سے ای ایس جی اصولوں کو اپنے مرکز میں اور اپنی کاروباری حکمت عملی میں شامل کرنے پر یقین رکھتا ہے۔ ان اصولوں پر عمل پیرا ہونے سے لچک پیدا کرنے، کلچر کو تبدیل کرنے اور منظم طریقے سے مواقع کی نشاندہی، خطرات کوکنٹرول کرنے اور ہمارے تمام اسٹیک ہولڈرز کے مفادات کی حفاظت کرکے طویل مدتی قدر پیدا کرنے میں مدد ملتی ہے۔ ایک خالص پلے قابل تجدید توانائی کمپنی ہونے کے ناطے،اے جی ای ایل گرڈ میں قابل تجدید توانائی کی پیداوار اور فراہمی کے ذریعے ہندوستان کے ڈی کاربنائزیشن کے اہداف کی حمایت اور تعاون کرتا ہے۔ ایک پائیدار توانائی کے مستقبل کی قیادت کرنے کے اپنے وژن کے حصے کے طور پر، یہ ماحولیاتی تبدیلی، پانی کی کمی اور قدرتی وسائل کی کھپت میں مسلسل اضافے کے لیے ماحولیاتی طور پر اہم حل فراہم کرنے کے لیے پرعزم ہے۔

اے جی ای ایل میں ، ای ایس جی فریم ورک کے چار ستون، رہنما اصول، پالیسیاں، عزم اور یقین دہانی، کمپنی کو یواین گلوبل کامپیکٹ  اور یواین سسٹنبل گولس،انڈیا بزنس اینڈ بایو ڈائیورسٹی اننیشیٹیو، گرین بانڈ پرنسپل اور آئی ایف سی کے  ای اینڈ ایس کارکردگی کے ساتھ ہم آہنگ کرنے میں مدد کرتے ہیں۔ایس جین، ایم ڈی، اڈانی گرین انرجی لمیٹڈ نے کہا ہے کہ ہماری پالیسیاں ان رہنما خطوط کے مطابق ہیں اور ان پالیسیوں کو ذہن میں رکھتے ہوئے ای ایس جی کے اہداف مقرر کیے گئے ہیں۔ ہمارا مقصد مالی سال25تک الیکٹرک یوٹیلیٹی سیکٹر کی ای ایس جی بینچ مارکنگ  میں دنیا کی 10 بڑی کمپنیوں میں شامل ہونا ہے۔

بھارت ایکسپریس۔