فلپائن میں سیلاب سے 13 افراد ہلاک، متعدد لاپتہ

فلپائن کے صوبے ماگوئینڈاناؤ کے کئی شہروں میں رات بھر ہونے والی شدید بارش کے بعد جمعہ کے روز کم از کم 13 افراد ہلاک اور متعدد لاپتہ ہو گئے۔  سنہوا نیوز ایجنسی کی ایک رپورٹ مطابق ڈیزاسٹر مینجمنٹ کے اہلکار نے ابتدائی رپورٹز کا حوالہ دیتے ہوئے کہا کہ اموات ڈوبنے یا لینڈ سلائیڈنگ کی وجہ سے ہوئیں۔

 ڈیزاسٹر مینجمنٹ کے اہلکار کا مزید کہنا ہے کہ حکام اب بھی صورتحال کا جائزہ لے رہے ہیں۔

 مقامی میڈیا کا کہنا ہے کہ شدید بارش کا تعلق سمندری طوفان نلگے سے ہے، جس کے اس اتوار کو مرکزی لوزون جزیرے سے ٹکرانے کی توقع ہے۔  یہ بھی بتایا گیا کہ جمعہ کو طوفان اور ہفتہ تک گرج چمک کے ساتھ بارش کا امکان ہے۔

 فلپائن عالمی سطح پر سب سے زیادہ تباہی کے شکار ممالک میں سے ایک ہے، جس کی بڑی وجہ پیسفک رنگ آف فائر اور پیسیفک ٹائفون بیلٹ میں واقع ہے۔

 اوسطاً، جزیرہ نما ملک میں سالانہ 20 سمندری طوفان آتے ہیں، جن میں سے کچھ شدید اور تباہ کن ہوتے ہیں۔