عمران خان پہ حملہ کرنے والا شخص گرفتار

 بھارت ایکسپریس /عمران خان پر فائرنگ کرنے والے شخص کی ویڈیو وائرل ہو رہی ہے۔ ویڈیو میں وہ عمران پر فائرنگ کی وجہ بتاتے ہوئے نظر آ رہے ہیں۔ 3 نومبر بروز جمعرات، پاکستان کے شہر گوجرانوالہ کے اللہ والا چوک میں عمران خان پر حملہ ہوا۔ یہ حملہ اس وقت ہوا جب عمران خان کا آزادی مارچ اسلام آباد کی طرف بڑھ رہا تھا۔ عمران خان کو گولی مارنے والا حملے کے دوران ہی پکڑا گیا۔

حملہ آور، جس کی شناخت نوید کے نام سے ہوئی ہے،  اس نے اعتراف کیا ہے کہ پاکستان کے سابق وزیر اعظم اس کا واحد ہدف تھے۔ اپنے اعترافی بیان میں ملزم نے کہا- میں نفرت پھیلانے اور لوگوں کو گمراہ کرنے پر خان سے ناراض ہو گیا۔ میں صرف خان کو مارنا چاہتا تھا اور کسی کو نہیں۔ میں نے یہ اپنی مرضی سے کیا اور کسی نے مجھے ایسا کرنے کو نہیں کہا۔ مجھے خان پر غصہ آیا اور میں اسے مارنا چاہتا تھا

فائرنگ کرنے والے ملزم کا مزید کہنا تھا کہ

 “یہاں اذان ہوتی تھی، اور یہ لوگ ڈیک(آڈیو سسٹم) لگا کر شور مچاتے تھے۔ وہ بات جو میں نے اچھی نہیں سمجھی۔ جس دن وہ لاہور سے روانہ ہوئے۔ اس دن مجھے اس سازش کا خیال آیا کہ اب مجھے ان کو چھوڑ نا نہیں ہے۔ اس سازش میں میرے پیچھے کوئی نہیں، میں صرف اکیلا  اس میں ملوث ہوں۔ میں گھر سے بائیک پر اکیلا آیا تھا۔ میں نے موٹر سائیکل اپنے چچا کی دکان پر کھڑی کی تھی۔ میرے ماموں کی موٹر سائیکل کی دکان ہے۔”