Momal Sheikh On Nepotism: پاکستانی اداکارہ مومل شیخ نے بالی ووڈ انڈسٹری میں نیپوٹزم  پر کسا طنز

حال ہی میں مومل شیخ نے ایک  انٹرویو میں اپنے کیریئر، نجی زندگی، بھارت میں کام کے تجربے سمیت مختلف امور پر دل کھول کر گفتگو کی۔دورانِ گفتگو انہوں نے کہا کہ ہمارا خاندان پاکستانی انٹرٹینمنٹ انڈسٹری میں ویسا ہی ہے جیسے بھارت میں کپور فیملی ہے۔

پاکستانی اداکارہ مومل شیخ نے سونم کپور کی فلم ‘ہیپی بھاگ جائے گی’ 2016 سے بالی ووڈ میں قدم رکھا۔ اداکارہ نے حال ہی میں اپنے خاندان کے کئی افراد کے شوبز کا حصہ ہونے کے بارے میں بات کی ہے۔ مومل شیخ نے نیپوٹزم  کے حوالے سے بالی ووڈ پر بھی تنقید کی ہے۔
نیپوٹزم  کے بارے میں یہ کہا

اُشنا شاہ کو دیے گئے ایک حالیہ انٹرویو میں مومل شیخ سے کپور خاندان کی طرح ہونے کے بارے میں پوچھا گیا، جس پر انھوں نے کہا کہ ’ہاں،  سلیم شیخ  اور جاوید شیخ  بھائی ہیں ، کپور کی طرح برتاؤ نہیں کرتے ،کوئی نیپوٹزم نہیں ہے ،کسی کو کبھی کام کرنے کے لئے کوئی کال نہیں کریں گے، ہم نے انڈسٹری میں اپنی جگہ خود بنائی ہے، ہم شیخ ہیں اور بہروز  سبزواری ہیں۔ وہ میرے پھوپھا ہیں کیونکہ ان کی شادی سفینہ پھپو سے ہوئی ہے، جو میرے سلیم چچا اور بابا کی بہن ہیں۔ کپوروں کی طرح ہم بھی لالی وڈ کے شیخ خاندان ہیں۔اسی طرح ہیں جس طرح  بالی ووڈ میں کپور فیملی ہے ۔

خاندان کے کئی افراد شوبز انڈسٹری  کا حصہ ہیں

آپ کو بتاتے چلیں کہ مومل شیخ معروف پاکستانی اداکار جاوید شیخ کی بیٹی ہیں۔ جاوید شیخ نے ‘اوم شانتی اوم’، ‘مائی نیم از اینتھونی گونز یلویس’، ‘نمستے لندن’ اور ‘زینت منگی’ جیسی بالی ووڈ فلموں میں بھی کام کیا ہے۔ مومل  شیخ کے خاندان کے بہت سے لوگ پاکستان شو بز  انڈسٹری کا حصہ ہیں۔ ان کے بھائی شہزاد شیخ بھی مقبول اداکار ہیں

بھارت ایکسپریس