Vidya Balan Fake Instagram Account: ودیا بالن کا فرضی انسٹا گرام اکاونٹ بناکر مانگے جا رہے ہیں پیسے، اب اداکارہ نے درج کرائی ایف آئی آر

بالی ووڈ اداکارہ ودیا بالن کے نام سے فرضی انسٹا گرام اکاونٹ بنایا گیا ہے۔

بالی ووڈ اداکارہ ودیا بالن گزشتہ کچھ دنوں سے سرخیوں میں بنی ہوئی ہیں۔ وجہ ان کی کوئی فلم نہیں، بلکہ فرضی انسٹا گرام اکاونٹ کا معاملہ ہے۔ حال ہی میں پتہ لگا ہے کہ ودیا بالن کے نام پرایک فرضی انسٹا گرام اکاونٹ بنایا گیا۔ اس کے بعد ان کے نام پرلوگوں سے پیسے بھی مانگے جا رہے تھے۔ اسی درمیان اداکارہ نے ممبئی پولیس کو ایک نامعلوم شخص کے خلاف ایف آئی آر درج کروائی ہے۔

ذرائع کے مطابق، ودیا بالن کے نام پرکسی نامعلوم شخص نے پہلے توانسٹا گرام آئی ڈی بنائی۔ اس کے بعد ایک جی میل اکاونٹ بھی تیارکیا گیا۔ ان دونوں اکاونٹس کے ذریعہ بالی ووڈ سے متعلق لوگوں سے بھی رابطہ کرنے کی کوشش کی گئی ہے۔ پتہ لگا ہے کہ ودیا بالن کے نام پرمسلسل دھوکہ دہی کی جا رہی تھی۔

فرضی انسٹا گرام اکاونٹ بناکرمانگے پیسے

حال ہی میں ملی جانکاری کے مطابق، ودیا بالن کے نام پرجوفرضی اکاونٹ بنایا گیا ہے۔ اس سے وہ نامعلوم شخص لوگوں کو نوکری کی یقین دہانی کراکرپیسے مانگ رہا تھا۔ حالانکہ جیسے ہی یہ جانکاری ودیا بالن تک پہنچی اورانہیں ان کے نام پرفرضی اکاونٹ چلنے کے بارے میں پتہ لگا۔ تواداکارہ نے فوراً اس پرایکشن لیا ہے۔ ودیا بالن نے ممبئی پولیس کو اس معاملے کی شکایت دی ہے۔

دراصل، کھارپولیس اسٹیشن میں نامعلوم شخص کے خلاف آئی ٹی ایکٹ کی دفعہ (66) (سی) کے تحت ایف آئی آر درج کی جاچکی ہے۔ وہیں جانچ بھی شروع کردی گئی ہے۔ فی الحال نامعلوم شخص سے متعلق کوئی بھی جانکاری سامنے نہیں آئی ہے۔ حالانکہ انہوں نے اپنے فینس کو ایسے فرضی اکاونٹ سے محتاط رہنے کو کہا ہے۔ یہ کوئی پہلا معاملہ نہیں ہے۔ پہلے بھی کئی ستاروں کے نام پرفرضی اکاونٹ بنائے گئے ہیں۔ لوگوں سے پیسوں کا مطالبہ بھی کیا جاتا ہے۔

گزشتہ کچھ دنوں سے ودیا بالن اپنی آنے والی فلم ’بھول بھلیا-3‘ سے متعلق سرخیوں میں ہیں۔ فلم میں منجلکا کی انٹری ہوچکی ہے۔ ایسے میں وہ ہرجگہ ٹرینڈ بھی کر رہی ہیں۔ اس کا فائدہ اٹھاکرنامعلوم شخص نے لوگوں سے دھوکہ دہی کرنی چاہی۔ تاہم وقت رہتے ہوئے معاملے کا انکشاف ہوگیا ہے۔ اب پولیس کی طرف سے جانچ کی جارہی ہے۔

بھارت ایکسپریس۔

Nisar Ahmad