Vidya Balan Fake Instagram Account: ودیا بالن کا فرضی انسٹا گرام اکاونٹ بناکر مانگے جا رہے ہیں پیسے، اب اداکارہ نے درج کرائی ایف آئی آر

ذرائع کے مطابق، ودیا بالن کے نام پرکسی نامعلوم شخص نے پہلے توانسٹا گرام آئی ڈی بنائی۔ اس کے بعد ایک جی میل اکاونٹ بھی تیارکیا گیا۔ ان دونوں اکاونٹس کے ذریعہ بالی ووڈ سے متعلق لوگوں سے بھی رابطہ کرنے کی کوشش کی گئی ہے۔ پتہ لگا ہے کہ ودیا بالن کے نام پرمسلسل دھوکہ دہی کی جا رہی تھی۔

فرضی انسٹا گرام اکاونٹ بناکرمانگے پیسے

حال ہی میں ملی جانکاری کے مطابق، ودیا بالن کے نام پرجوفرضی اکاونٹ بنایا گیا ہے۔ اس سے وہ نامعلوم شخص لوگوں کو نوکری کی یقین دہانی کراکرپیسے مانگ رہا تھا۔ حالانکہ جیسے ہی یہ جانکاری ودیا بالن تک پہنچی اورانہیں ان کے نام پرفرضی اکاونٹ چلنے کے بارے میں پتہ لگا۔ تواداکارہ نے فوراً اس پرایکشن لیا ہے۔ ودیا بالن نے ممبئی پولیس کو اس معاملے کی شکایت دی ہے۔

دراصل، کھارپولیس اسٹیشن میں نامعلوم شخص کے خلاف آئی ٹی ایکٹ کی دفعہ (66) (سی) کے تحت ایف آئی آر درج کی جاچکی ہے۔ وہیں جانچ بھی شروع کردی گئی ہے۔ فی الحال نامعلوم شخص سے متعلق کوئی بھی جانکاری سامنے نہیں آئی ہے۔ حالانکہ انہوں نے اپنے فینس کو ایسے فرضی اکاونٹ سے محتاط رہنے کو کہا ہے۔ یہ کوئی پہلا معاملہ نہیں ہے۔ پہلے بھی کئی ستاروں کے نام پرفرضی اکاونٹ بنائے گئے ہیں۔ لوگوں سے پیسوں کا مطالبہ بھی کیا جاتا ہے۔