اننت امبانی-رادھیکا کی شادی میں شامل ہونے جام نگر پہنچے شاہ رخ خان سمیت یہ عظیم شخصیات

Celebrity Reached Jamnagar: اس وقت ہرطرف امبانی فیملی سرخیوں میں ہے۔ ریلائنس انڈسٹریزکے چیئرمین مکیش امبانی کے چھوٹے بیٹے اننت امبانی اوربزنس مین ویرین مرچنٹ کی بیٹی رادھیکا مرچنٹ جلدی ہی شادی کے بندھن میں بندھنے والے ہیں۔ وہیں شادی سے پہلے شادی کی پری ویڈنگ فنکشن شروع ہوچکے ہیں۔ گجرات کے جام نگرمیں اننت امبانی اوررادھیکا مرچنٹ کی پری ویڈنگ سیریمنی 3-1 مارچ تک چلے گی۔ ایسے میں اس تقریب کے لئے بالی ووڈ کے ساتھ کئی بڑی ہستیاں بھی جام نگرپہنچنے لگے ہیں۔ اس فہرست میں کئی بڑے نام شامل ہیں۔

شاہ رخ خان کی فیملی کے علاوہ یہ ہستیاں ہو رہی ہیں شامل

شاہ رخ خان، گوری خان، سہانا خان اورآرین خان بھی جام نگرمیں اننت امبانی اوررادھیکا مرچنٹ کی شادی کے لئے پہنچ چکے ہیں۔ وہ ان کی پری ویڈنگ سیلبریشن اٹینڈ کرنے کے لئے جام نگرپہنچ رہے ہیں۔ وہیں امبانی فیملی کی شاندارتقریب میں مارک زکربرگ، کے پی سنگھ، چیئرمین ڈی ایل ایف، باب ڈوڈلے، سابق سی ای او بی پی اور مرّی اوچنکلوس، سی ای او بی پی اورپی ایم ایس پرساد، کارگزارڈائریکٹر، ریلائنس انڈسٹریزلمیٹیڈ، راشد خان اوراسکائی، براوو، سائنا نہوال، ظہیرخان جیسی شخصیات شامل ہونے کے لئے پہنچ رہی ہیں، جن کی تصاویر بھی میڈیا پرمسلسل وائرل ہو رہی ہیں۔

وہیں اس سے پہلے بھی کئی ستارے جام نگرپہنچ رہے ہیں۔ جیسے جے براؤن، ایڈم بلیک اسٹوم، ابھیشیک بچن، رنبیرکپور، عالیہ بھٹ، سلمان خان اورارجن کپور سمیت کئی بالی ووڈ اورہالی ووڈ کی ہستیاں اس والہانہ تقریب میں شامل ہونے کے لئے پہنچ چکے ہیں۔