Samir Soni Birthday: ایک سال میں ہی ٹوٹ گئی تھی پہلی شادی، پھر گووندا کی ہیروئن کے ساتھ کی شادی، اب ایسی زندگی جی رہے ہیں سمیر سونی

Samir Soni Birthday: کئی بالی ووڈ فلموں اورسیریلس میں کام کرچکے سمیر سونی نے بالی ووڈ کی ایک مشہور اداکارہ سے شادی کرلی تھی۔ سمیر سونی کی پیدائش 29 ستمبر 1968 کو لندن میں ہوئی تھی۔ سمیر سونی اپنے کیریئر میں کئی بڑے فنکاروں کے ساتھ کام کرچکے ہیں۔

سمیر سونی اداکار بننے سے پہلے ماڈل ہوا کرتے تھے۔ وہیں بالی ووڈ میں ڈیبیو کرنے سے پہلے انہوں نے دوردرشن پر کام کیا تھا۔ آئیے آج آپ کو سمیرسونی کے یوم پیدائش کے موقع پر ان کی کچھ خاص باتوں سے روبرو کراتے ہیں۔ سمیر سونی جب ماڈلنگ کرتے تھے ان دنوں میں ان کی ملاقات راج لکشمی کھانولکرسے ہوئی تھی۔ بعد میں دونوں نے سال 1996 میں شادی کرلی تھی۔ حالانکہ یہ رشتہ ایک سال بھی نہیں ٹک سکا۔ دونوں نے سال 1997 میں طلاق لے کراپنی راہیں الگ کرلیں۔

 

دوردرشن کے شو سے کیا اداکاری میں ڈیبیو

ماڈلنگ میں ہاتھ آزمانے کے بعد سمیر سونی نے اداکاری کی دنیا میں اپنے قدم رکھے تھے۔ سمیر کی اداکاری کیریئر کی شروعات سال 1995 میں دوردرشن کے شو سمندر سے ہوئی تھی۔ یہ شو صرف ایک ہی سال تک چل پایا تھا۔

پھر فلم ‘چائنا گیٹ’ میں آئے نظر

دور درشن کے شو سمندر میں کام کرنے کے بعد سمیر سونی نے فلمی دنیا میں اپنے قدم رکھے۔ انہیں سب سے پہلے فلم ‘چائنا گیٹ‘  میں دیکھا گیا تھا۔ یہ فلم سال 1998 میں آئی تھی۔ حالانکہ انہیں پہچان ملی تھی سال 2003 کی فلم ‘باغبان‘  سے۔  اس ملٹی اسٹاررفلم میں امیتابھ بچن اور ہیما مالنی نے لیڈ رول پلے کیا تھا۔ انہوں نے لجّا، ویواہ، ممبئی ساگا، دی بگ بُل اور چہرے جیسی کئی فلموں میں کام کیا ہے۔

 

نیلم کوٹھاری سے کی دوسری شادی

پہلی شادی ٹوٹنے کے بعد سمیر سونی کا نام ماڈل نفیسہ جوزف کے ساتھ جڑا۔ دونوں نے منگنی بھی کرلی تھی۔ تاہم کسی وجہ سے منگنی ٹوٹ گئی۔ اس کے بعد سمیر کی زندگی میں اداکارہ نیلم کوٹھاری کی انٹری ہوئی۔ نیلم کا نام کبھی گووندا سے جڑا تھا اور دونوں نے بڑے پردے پر بھی ساتھ میں کام کیا تھا۔ واضح رہے کہ نیلم کوٹھاری اور سمیر سونی نے سال 2011 میں شادی کرلی تھی۔ اب دونوں ایک بیٹی اہانا سونی کے والدین ہیں۔