Salman Khan On Death Threat: سلمان خان نے لارنس بشنوئی کی دھمکیوں پر پہلی بار دیا جواب، کہا-اللہ نے جتنی عمر لکھی ہےاتنی ہی ملے گی

بالی ووڈ سپر اسٹار سلمان خان کی فلم سکندر ریلیز ہونے والی ہے۔ اس فلم کو اے آر مروگاداس نے ڈائریکٹ کیا ہے اور اسے ساجد ناڈیاڈوالا نے پروڈیوس کیا ہے۔ رشمیکا مندانا فلم میں سلمان خان سے پردے پر رومانس کرتی نظر آئیں گی۔ سلمان خان نے ‘سکندر’ کی ریلیز سے قبل بدنام زمانہ لارنس بشنوئی گینگ کی جانب سے ملنے والی جان سے مارنے کی مسلسل دھمکیوں پر خاموشی توڑتے ہوئے کہا ہے کہ ‘جتنی عمر لکھی ہے،بس اتنی ہے ہے۔آپ کو بتادیں کہ سلمان خان گزشتہ کچھ دنوں سے اپنی آنے والی فلم ‘سکندر’ کی تشہیر میں مصروف ہیں۔ پروموشنز کی ہلچل کے درمیان، سپر اسٹار نے ممبئی میں منتخب میڈیا سے کھل کر بات کی۔ پچھلے چند مہینوں میں سلمان کو مبینہ طور پر لارنس بشنوئی کے گینگ سے کئی دھمکیاں موصول ہوئی ہیں۔ اکتوبر 2024 میں سلمان خان کے قریبی دوست اور این سی پی لیڈر بابا صدیقی کو بشنوئی گینگ نے مبینہ طور پر نشانہ بنایا تھا۔ اپنی جان کو لاحق خطرات کے باوجود سلمان نے اسے اپنے پیشہ ورانہ عہدوں پر اثر انداز ہونے نہیں دیا۔

جب ان سے پوچھا گیا کہ کیا وہ اپنی حفاظت کے بارے میں فکر مند ہیں تو سلمان نے آسمان کی طرف اشارہ کرتے ہوئے کہا، “اللہ، اللہ، سب کچھ اوپر ہے، میرے لیے عمر لکھی ہوئی ہے، بس وہی ملے گی، کبھی کبھی، ہمیں اتنے لوگوں کو ساتھ لے چلنا پڑتا ہے، یہی مسئلہ ہے۔ غور طلب ہے کہ گزشتہ تین سالوں سے سلمان خان اور ان کے خاندان اور دوستوں پر لارنس بشنوئی گینگ کی دھمکیاں منڈلا رہی ہیں۔ اس سے قبل سلیم خان کو مارننگ واک کے دوران دھمکی آمیز خط موصول ہوا تھا۔ پھر سلمان کے گھر اور فارم ہاؤس کی ریکی کی گئی اور سلمان کے گھر پر فائرنگ کی گئی۔ ان واقعات سے سپر اسٹار کی فیملی خوفزدہ ہے۔

اطلاعات کے مطابق، بشنوئی سلمان سے ‘ہم ساتھ ساتھ ساتھ ہیں’ کی شوٹنگ کے دوران مبینہ طور پر ایک کالے ہرن کو مارنے کے بعد بدلہ لینا چاہتا ہے۔ کالے ہرن کا احترام کرنے والی بشنوئی برادری کو اس واقعے سے شدید دکھ پہنچا ہے۔ 2018 میں جودھ پور میں عدالت میں پیشی کے دوران بشنوئی نے کہا تھا کہ “ہم سلمان خان کو مار دیں گے، ایک بار جب ہم ایکشن لیں گے تو سب کو پتہ چل جائے گا، میں نے ابھی تک کچھ نہیں کیا، وہ بغیر کسی وجہ کے مجھ پر جرائم کا الزام لگا رہے ہیں۔

سلمان سکندر بن کر عید پرآئیں گے

سلمان نے بتایا تھا کہ ‘سکندر’ فلم  عید کے موقع پر 30 مارچ کو سینما گھروں میں ریلیز ہو رہی ہے۔ فلم کی ہدایت کاری ‘گجنی’ سے شہرت یافتہ اے آر مروگادوس نے کی ہے۔ حال ہی میں فلم کے ٹریلر لانچ ایونٹ کے دوران سلمان نے کہا کہ انہیں یقین ہے کہ فلم 200 کروڑ روپے کا ہندسہ عبور کر لے گی۔ انہوں نے کہاکہ فلم اچھی ہو یا بری، اگر یہ عید یا دیوالی جیسے کسی بھی وقت ریلیز ہوتی ہے، تو یہ یقینی طور پر 100 کروڑ روپے کا ہندسہ عبور کرتی ہے… 100 کروڑ روپے ماضی کی بات تھی، اب یہ 200 کروڑ روپے ہے۔”

بھارت ایکسپریس۔