Saif Ali Khan On Operation Sindoor: ’آپریشن سندور‘ پرسیف علی خان کا بڑا بیان، کہا- ‘میں اپنی حکومت کے ساتھ کھڑا ہوں

Saif Ali Khan On Operation Sindoor: ہندوستان-پاکستان کے درمیان کشیدگی سے متعلق ہرکوئی اپنی رائے دے رہا ہے۔ وہیں ہندوستانی حکومت نے ’آپریشن سندور‘ کے ذریعہ جس طرح پہلگام حملے کا بدلہ لیا، اسے لے کر بھی خواب ستائش کی جارہی ہے۔ اسے لے کرفلمی ہستیاں بھی تعریف کرنے سے پیچھے نہیں رہیں۔ بالی ووڈ اداکارہ سیف علی خان نے بھی ‘آپریشن سندور’ کا سپورٹ کیا ہے اورپہلگام حملے میں مارے گئے لوگوں کی فیملی کے ساتھ کھڑے رہنے کی بات کہی ہے۔

نیوز 18 کی ایک رپورٹ کے مطابق، سیف علی خان نے ہندوستانی حکومت کے قدم کی تعریف کی۔ انہوں نے کہا- ”میں اپنی حکومت اورپہلگام میں بے گناہ لوگوں کوقتل عام پران کے رسپانس کے ساتھ پوری طرح سے اتحاد اورسپورٹ میں کھڑا ہوں۔”

ہندوستانی فوج کوسیف علی خان نے دی سلامی

سیف علی خان نے پہلگام حملے میں شہید ہوئے لوگوں کی فیملی کے ساتھ ہونے کی بھی بات کہی۔ اداکارنے کہا- ”میری ہمدردی اوردعائیں, ہماری زمین پرہوئے اس حالیہ دہشت گردانہ حملے کی تشدد سے ٹوٹ چکی فیملی کے ساتھ ہیں۔ اس دوران سیف نے ہندوستانی فوج کے نوجوانوں کی حوصلہ افزائی بھی کی۔ انہوں نے کہا، ”میں ہمارے مسلح اہلکاروں کی بہادری اورہمت کو سلام کرتا ہوں اورہمیں محفوظ رکھنے کے لئے ان کا شکریہ ادا کرتا ہوں۔ میں دعا کرتا ہوں کہ ہم سبھی دہشت گردی کے خلاف متحد ہوں۔ جے جوان، جے ہند۔”

سیف علی خان کا ورک فرنٹ

ورک فرنٹ پرسیف علی خان ان دنوں اپنی حالیہ ریلیزفلم ‘جویل تھیف’ سے متعلق سرخیوں میں ہیں۔ نیٹ فلکس پرریلیز ہوئی اداکار کی اس فلم میں جے دیپ اہلاوت اور نکیتا دتہ بھی لیڈ رول میں دکھائی دیئے ہیں۔ اب اداکار کے پاس 2016 کی موہن لال اسٹارر ملیالم فلم ‘اوپّم کی آنے والی ہندی ریکمیک ہے۔ فلمساز پریہ درشن کی کی اس فلم میں ان کے ساتھ بابی دیول اوراکشے کماربھی نظرآئیں گے۔