Priyanka Chopra In Ayodhya: پرینکا چوپڑا نے بیٹی مالتی اور شوہر نک جوناس کے ساتھ ایودھیا میں روایتی لباس  میں آئیں نظر

  بالی ووڈ کی دیسی گرل پرینکا چوپڑا آج رام للا کے درشن کرنے ایودھیا پہنچ گئیں۔ پرینکا کچھ دنوں  پہلے ہی  ہندوستان واپس آئی ہیں۔ شوہر نک جوناس اور بیٹی مالتی میری چوپڑاجوناس کے ساتھ آج ایودھیا پہنچ گئیں۔ اداکارہ کی رام جنم بھومی سے اپنے خاندان کے ساتھ تصاویر بھی منظر عام پر آئی ہیں۔پرینکا چوپڑا کے ساتھ ان کی والدہ مدھو چوپڑا بھی ایودھیا گئی ہیں۔ پرینکا چوپڑا کی فیملی کی ویڈیوز اور تصاویر سوشل میڈیا پر وائرل ہوئی  ہیں۔ پرینکا چوپڑا پیلے رنگ کی ساڑھی پہنے نظر آرہی ہیں۔ ان کے ساتھ ہی نک جوناس بھی آف وائٹ کلر کے کرتا پاجامہ میں روایتی اوتار میں نظر آئے۔

پرینکا چوپڑا 22 جنوری کو پران پرتشٹھا میں شرکت نہیں کر سکیں

واضح رہے کہ رام مندر کے پران پرتشٹھا22 جنوری 2024 کو ہوئی تھی۔ جس میں بالی ووڈ سے لے کر ساؤتھ تک اور کاروباری اور کھیل کی دنیا کی کئی مشہور شخصیات نے شرکت کی تھی۔ اس وقت پرینکا چوپڑا اس میں حصہ نہیں لے سکیں۔رام کے شہر پہنچنے والی پرینکا اور ان کے اہل خانہ کا استقبال رام نامی گمچھا ‘ پہنا کر گیا گیا۔۔ بیٹی سمیت سب نے بھگوان کے درشن کیے اور آشیرواد لیا۔ اداکارہ کی گلے میں گمچھا باندھے اور ماتھے پر تلک لگانے کی تصاویر منظر عام پر آگئی ہیں۔

پرینکا چوپڑا کی ماں مدھو بھی ان کے ساتھ ہیں۔ پورا خاندان روایتی لباس نظر آرہا ہے۔ ماں مادھو بھی سرخ رنگ کی ساڑھی پہنے نظر آرہی ہیں۔ مالتی بھی روایتی لباس میں بہت پیاری لگ رہی ہیں۔ ۔پرینکا چوپڑا گزشتہ ہفتے ہی انڈیا کی تقریب میں شرکت کے لیے آئی تھیں۔ ان کی تقریب کی کئی تصاویر سوشل میڈیا پر وائرل ہوئیں۔ اس کے بعد پرینکا ایشا امبانی کی ہولی پارٹی میں گئیں۔

نک جوناس بھی اس سال پرینکا چوپڑا اور مالتی کے ساتھ ہولی منانے بھارت آئے ہیں۔ جیسے ہی نک بھارت آئے، مداحوں کو لگ رہا تھا کہ جوڑے اس سال یہاں ہولی منائیں گے۔ ۔ورک فرنٹ کی بات کریں تو پرینکا چوپڑا ہالی وڈ کے کئی پروجیکٹس میں دیکھا جا چکا ہے۔ لیکن بالی ووڈ کی بات کریں تو وہ آخری بار دی اسکائی از پنک میں نظر آئی تھیں۔

بھارت ایکسپریس