بھارت ایکسپریس۔
ODI World Cup 2023: ہندوستان اس سال آئی سی سی ورلڈ کپ کی میزبانی کرنے جا رہا ہے۔ اس کے لئے شیڈول پہلے ہی جاری کیا جاچکا ہے۔ ورلڈ کپ کی شروعات سے پہلے اس کی خاص چمچماتی ٹرافی کو فی الحال پورے ہندوستان میں گھمایا جا رہا ہے۔ وہیں، اس درمیان انٹرنیشنل کرکٹ کونسل (آئی سی سی) نے ایک تصویر شیئر کی ہے۔ اس میں ورلڈ کپ کی ٹرافی کے ساتھ سپراستار اور انڈین فلم انڈسٹری کے ’بادشاہ‘ شاہ رخ خان نظرآرہے ہیں۔ وہ تصویرمیں آئی سی سی ورلڈ کپ کی ٹرافی کو بہت ہی غور سے دیکھتے ہوئے نظرآرہے ہیں۔ آئی سی سی کے ذریعہ کنگ خان کی تصویر ٹرافی کے ساتھ شیئر کرنے پر ان کے فینس میں خوشی کی لہرہے۔ واضح رہے کہ کنگ خان اپنی آنے والی فلم ’جوان‘ کے پرموشن میں بھی لگے ہوئے ہیں۔
آئی سی سی نے شاہ رخ خان کی ٹرافی کے ساتھ لکھا یہ خاص پیغام
آئی سی سی شاہ رخ خان کی تصویرورلڈ کپ 2023 کی ٹرافی کے ساتھ شیئر کی ہے۔ تصویرکوشیئر کرتے ہوئے آئی سی سی نے لکھا ہے، ’’کنگ خان #CWC23 ٹرافی یہاں قریب ہے…‘‘ وہیں اسی درمیان 20 جولائی یعنی آج آئی سی سی نے عالمی کپ سے متعلق ایک ویڈیوبھی شیئرکیا ہے، جس میں ایک بار پھرسے شاہ رخ خان عالمی کپ کی ٹرافی کے ساتھ نظرآرہے ہیں۔ آئی سی سی نے اپنے آفیشیل ٹوئٹر ہینڈل پراس ویڈیو کو شیئرکرتے ہوئے لکھا،”آئی سی سی مرد کرکٹ ورلڈ کپ 2023 میں تاریخ لکھی جائے گی اور خواب شرمندہ تعبیر ہوں گے۔ اس کے لئے بس ایک دن کی ضرورت ہے۔‘‘
وہیں، کچھ لوگوں کا کہنا ہے کہ آئی سی سی شاید کنگ خان کو ونڈے ورلڈ کپ 2023 کے لئے برانڈ ایمبسڈر بنانے والی ہے۔ حالانکہ اس بات اور امکان سے متعلق آئی سی سی نے ابھی کچھ باضابطہ بیان جاری نہیں کیا ہے۔
یہ بھی پڑھیں: World Cup 2023: ہندوستان-پاکستان میچ کے لئے احمدآباد کے اسپتالوں میں بیڈ بک کر رہے ہیں کرکٹ فینس، وجہ جان کر اڑ جائیں گے ہوش
سوشل میڈیا پر جم کر منائی جا رہی ہے خوشی
وہیں، ورلڈ کپ 2023 کی ٹرافی کے ساتھ اپنے اداکار کو دیکھ کر فینس کافی پُرجوش ہیں اور سوشل میڈیا پراپنا ردعمل دے رہے ہیں۔ ایک صارف نے ٹوئٹ کرکے لکھا، ’’بالی ووڈ کے بادشاہ۔ ہندوستان کے راجا۔ دنیا کے راجا۔ #CWC23 ٹرافی کی نقاب کشائی۔‘‘ وہیں ایک دیگر یوزرس (صارف) نے لکھا، ’’کہتے ہیں اگر کسی چیز کو دل سے چاہو تو پوری کائنات اسے تم سے ملانے کی کوشش میں لگ جاتی ہے۔‘‘ ورلڈ کپ 2023 کی ٹرافی کے ساتھ کنگ خان کو دیکھ کر فینس میں خوشی ہے۔ واضح رہے کہ شاہ رخ خان بھی کرکٹ کے بہت بڑے مداح ہیں۔
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…