Mithun Chakraborty Health: متھن چکرورتی کی طبیعت بگڑ گئی، کولکتہ کے اسپتال میں داخل، حال ہی میں حکومت نے متھن کو پدم بھوشن ایوارڈ سے نوازنے کا اعلان کیا تھا

بالی ووڈ اداکار متھن چکرورتی سے متعلق بڑی خبریں آرہی ہیں۔ دراصل چکرورتی کو سینے میں درد کی شکایت کے بعد ہفتہ کی صبح کولکتہ کے اپولو اسپتال میں داخل کرایا گیا تھا۔اداکار کے قریبی ایک شخص نے بتایا کہ متھن صبح سے ہی کافی بے چینی محسوس کر رہے تھے اور اسی وجہ سے انہیں اسپتال میں داخل کرایا گیا تھا۔

اسپتال میں موجود متھن چکرورتی کے قریبی دوست کا کہنا ہے کہ متھن کے بارے میں فکر کرنے کی ضرورت نہیں ہے اور وہ بالکل ٹھیک ہیں۔ ذرائع نے یہ بھی بتایا کہ فی الحال متھن کے پاس موجود ڈاکٹر ان کے تمام ٹیسٹ کر رہے ہیں۔

اداکار متھن چکرورتی کو ہفتہ 10 فروری کو کولکتہ کے ایک نجی اسپتال کے ایمرجنسی یونٹ میں لے جایا گیا۔ ذرائع کے مطابق اداکار کی طبیعت ٹھیک نہیں تھی۔ انہیں سینے میں شدید درد اور بے چینی کی شکایت کی جس کے بعد انہیں اسپتال لے جایا گیا۔ ان کی صحت کے حوالے سے مزید معلومات کا ابھی انتظار ہے۔ جب سے اداکار کے اسپتال میں داخل ہونے کی خبر آئی ہے۔ مداح ان کی صحت یابی کے لیے دعاکررہے ہیں۔ فی الحال اداکار کے اہل خانہ کی جانب سے ان کی صحت پر کوئی تبصرہ نہیں کیا گیا ہے۔

متھن چکرورتی کی عمر 73 سال ہے۔ ہفتہ کی صبح یعنی آج تقریباً 10 بجے اداکار کو سینے میں شدید درد ہوا اور بے چینی بھی محسوس ہونے لگی۔ ان کی طبیعت خراب ہونے پر اداکار کو فوری طور پر اسپتال لے جایا گیا- جہاں ان کا علاج جاری ہے۔ فی الحال تجربہ کار اداکار کی صحت کے حوالے سے کوئی اطلاع نہیں دی گئی ہے۔ آپ کو بتا دیں، حال ہی میں متھن چکرورتی کو سنیما انڈسٹری میں ان کی شراکت کے لیے ملک کے باوقار پدم بھوشن ایوارڈ سے نوازا گیا تھا۔

حال ہی میں حکومت نے متھن چکرورتی  کو پدم بھوشن ایوارڈ سے نوازنے کا اعلان کیا تھا۔

بھارت ایکسپریس