Kalki 2898 AD Box Office Collection: فلم ’کلکی 2898 اے ڈی‘ نے شاہ رخ کی ’جوان‘ کو چھوڑا پیچھے، ایک ہفتے میں کی 392 کروڑ کی کمائی

ممبئی: حال ہی میں ریلیز ہونے والی سائنس فکشن فلم ’کلکی 2898 اے ڈی‘ باکس آفس پر دھوم مچا رہی ہے۔ بگ بی، پربھاس اسٹارر فلم کا کریز جاری ہے۔ اس دوران اگر ہم ہفتے کی کمائی کی بات کریں تو ’کلکی‘ ہندوستان میں 400 کروڑ کے کلب میں داخل ہونے کے قریب ہے۔

فلم نے بھارت میں 392.45 کروڑ روپے کمائے، جب کہ دنیا بھر میں 700 کروڑ روپے کی کمائی ہوگئی۔ اس کمائی کے ساتھ فلم نے شاہ رخ خان کی ’جوان‘ کو پیچھے چھوڑ دیا ہے۔

’جوان‘ نے ریلیز کے ایک ہفتے بعد 600 کروڑ روپے کمائے تھے، جب کہ ’کلکی 2898 اے ڈی‘ نے 700 کروڑ روپے کمائے ہیں۔ حالانکہ، اس ریکارڈ میں فلم اب بھی ‘RRR’ اور ‘KGF: Chapter 2’ سے بہت پیچھے ہے۔ بیرونی ممالک میں فلم ’کلکی 2898 اے ڈی‘ کی بڑی کمائی تیلگو بولنے والے ناظرین کی وجہ سے ہے۔

فلم ’کلکی 2898 اے ڈی‘ 27 جون کو سینما گھروں میں ریلیز ہوئی تھی۔ اس نے پہلے دن 95.3 کروڑ روپے کے ساتھ باکس آفس پر زبردست اوپننگ کی تھی اور ساتویں دن 22.5 کروڑ روپے جمع کیے تھے۔ اس میں تیلگو بولنے والی ریاستوں کا بڑا حصہ تھا۔ انڈسٹری ٹریکر ساکنلک کے مطابق، فلم نے اپنے 7ویں دن تیلگو میں 8.75 کروڑ روپے اور ہندی میں 11.3 کروڑ روپے کمائے۔

فی الحال، فلم کے لیے تیلگو میں 3ڈی شوز کی مارننگ آکوپنسی 18.32 فیصد ہے، جب کہ رات کی آکوپنسی 43.14 فیصد ہے۔ ہندی میں 3ڈی شوز کے لیے صبح کا آکوپنسی 13.80 فیصد ہے، جبکہ رات کے شوز کے لیے 34.69 فیصد ہے۔

آپ کو بتاتے چلیں کہ یہ فلم پانچ زبانوں ہندی، تمل، تیلگو، کنڑ اور ملیالم میں ریلیز ہوئی تھی۔ اسے ناگ اشون نے ڈائریکٹ کیا ہے۔ اس فلم میں میگا اسٹار امیتابھ بچن، تمل سنیما کے تجربہ کار کمل ہاسن، تیلگو سپر اسٹار پربھاس، بالی ووڈ اداکارہ دیپیکا پدوکون اور دیشا پٹانی شامل ہیں۔

کرداروں کی بات کریں تو پربھاس نے بھیروا کا کردار ادا کیا ہے جبکہ دیپیکا پدوکون نے ایک دمدار خاتون سمتی کا کردار ادا کیا ہے جو رحم میں بڑھنے والے بچے کے لیے لڑتی ہے۔ فلم میں امیتابھ بچن اشوتتھاما کا کردار ادا کر رہے ہیں۔ کمل ہاسن ولن یاسکن کا کردار ادا کر رہے ہیں جبکہ دیشا پٹانی راکسی کا کردار ادا کر رہی ہیں۔

فلم میں کئی ستاروں نے خصوصی کردار ادا کیا ہے، جن میں ہدایت کار رام گوپال ورما، فلم ساز ایس ایس۔ راجامولی، اداکار وجے دیوراکونڈا، ذوالقر سلمان اور اداکارہ مرونال ٹھاکر شامل ہیں۔

بھارت ایکسپریس۔