Ira Khan Wedding Reception: عامر خان کی بیٹی ایرا خان کے ریسپشن میں شامل ہوں گے شاہ رخ اور سلمان خان، مہمانوں کی تصویر بھی آئی سامنے

Ira Khan-Nupur Shikhare Reception: عامر خان کی لاڈلی ایرا خان اورنوپورشکھرے شادی کے بندھن میں بندھ چکے ہیں۔ دونوں نے 3 جنوری کو کورٹ میریج کی ہے، جس میں فیملی ممبران اور کچھ خاص دوست شامل ہوئے تھے۔ عامرخان نے شادی میں اپنے انڈسٹری کے دوستوں کو نہیں بلایا تھا۔ کورٹ میریج کے بعد اب ایرا خان اورنوپورشکھرے ادے پورمیں ڈیسٹینیشن ویڈنگ کرنے والے ہیں، جس کے لئے وہ جلد ہی روانہ ہوجائیں گے۔ ڈیسٹینیشن ویڈنگ کے بعد عامرخان ممبئی میں اپنے انڈسٹری کے دوستوں کے لئے ریسپشن دینے والے ہیں۔

رپورٹس کے مطابق، ایرا خان اورنوپورشکھرے کا ویڈنگ ریسپشن 13 جنوری کو ممبئی میں ہونے والا ہے، جس میں عامر خان اپنے خاص دوستوں کو بلانے والے ہیں۔ رپورٹس کے مطابق، مہمانوں کی فہرست میں سلمان خان سے لے کرشاہ رخ خان تک کئی سیلبس کوشامل کیا گیا ہے۔

یہ شخصیات کریں گی شرکت

انڈیا ٹوڈے کی رپورٹ کے مطابق، ایرا خان اور نوپورشکھرے کے ریسپشن کے لئے شاہ رخ خان، سلمان خان، اجے دیوگن، امیتابھ بچن، کرن جوہر، اکشے کمار، کرینہ کپور، راجکمارہیرانی، آشوتوش گواریکر اورجوہی چاؤلہ سمیت کئی فنکاروں کو دعوت نامہ بھیجا گیا ہے۔ رپورٹس کے مطابق، کچھ ساؤتھ فلموں کے اداکاراور اداکارہ کو بھی عامرخان نے مدعو کیا ہے اورامبانی فیملی بھی اس ریسپشن میں شامل ہوگی۔ اپنی شادی پر شارٹس اور ویسٹ میں آکر نوپورشیکھرے نے سوشل میڈیا پربج کریئیٹ کردیا تھا۔ ہرکوئی ایرا خان اور نوپور شکھرے کے کپڑوں کی بات ہی کر رہا ہے۔ لوگوں کو ایرا خان اورنوپور شکھرے کا لُک بالکل بھی پسند نہیں آیا ہے۔