Disha Patani: ایم ایس دھونی کے 7 سال مکمل ہونے پر دیشا پٹانی نے سشانت سنگھ کو کیا یاد، کہا ان لوگوں سے محبت اور قدر کریں جو آپ کو ہمیشہ خوش رکھتے ہیں

Disha Patani: بالی ووڈ کی خوبصور ت  اداکارہ دیشا پٹانی نے اپنی فلم ایم ایس دھونی: دی ان ٹولڈ اسٹوری کی ریلیز کے سات سال مکمل ہونے پر آنجہانی اداکار سوشانت سنگھ راجپوت کو یاد کیا۔اس دوران فینس کے ساتھ ساتھ بالی ووڈ کے کئی ستارے بھی سوشانت کی غیر موجودگی کو ہر روز محسوس کر رہے ہیں۔ انہوں نے فلم کے 7 سال مکمل ہونے پر سوشل میڈیا پر سوشانت سے اپنی محبت کا اظہار کیا ہے۔دیشا پٹانی کی اس کہانی سے صاف ظاہر ہے کہ وہ اب بھی سوشانت کو بہت یاد کرتی ہیں۔

اس ویڈیو کو شیئر کرتے ہوئے دیشا پٹانی نے لکھا- اس خوبصورت سفر اور ہندی سنیما میں میری پہلی فلم کے لیے شکرگزار ہوں۔ ان لوگوں سے محبت اور قدر کریں جو آپ کو ہمیشہ خوش رکھتے ہیں۔ سنا ہے کہ زندگی پچھتاوے کے لیے بہت مختصر ہے… مجھے امید ہے کہ آپ خوش اور سکون سے ہوں گے۔

مہندر سنگھ دھونی  پر بنائی گئی تھی یہ  فلم

فلمساز نیرج پانڈے نے ایم ایس دھونی: دی ان ٹولڈ اسٹوری کی ہدایت کاری کی۔ جو کہ مشہور بھارتی کرکٹر مہندر سنگھ دھونی کی زندگی پر مبنی ہے۔ یہ فلم 2016 میں ریلیز ہوئی تھی اور آنجہانی اداکار سوشانت سنگھ راجپوت نے اس میں دھونی کا کردار ادا کیا تھا۔ فلم میں اداکار سوشانت سنگھ راجپوت کے ساتھ اداکارہ کیارا اڈوانی اور دیشا پٹانی مرکزی کردار میں اسکرین شیئر کرتی نظر آئیں تھیں۔دیشا پٹانی نے ان کی گرل فرینڈ کا کردار ادا کیا ۔ یہ بایوپک سوشانت کے کیریئر کی سب سے بڑی ہٹ فلموں میں سے ایک ثابت ہوئی۔

ایم ایس دھونی نے سوشانت کا کریئر بدل دیا

مہندرسنگھ دھونی کی بایوپک سوشانت کے کیریئر کے لیے بہت اچھی ثابت ہوئی۔ سوشانت نے اس فلم میں اپنی اداکاری سے مداحوں کا دل جیت لیا۔ تاہم 14 جون 2020 کو سوشانت سنگھ راجپوت ممبئی میں اپنے گھر میں مردہ پائے گئے۔ اداکار نے پھانسی لگا کر خودکشی کرلی۔

بھارت ایکسپریس