Dharmendra Birthday Special: صرف 51 روپئے تھی دھرمیندر کی تنخواہ، آج ایک فلم کے لئے وصول کرتے ہوئے کروڑوں روپئے، دیکھیں یوم پیدائش پرخاص پیشکش

دھرمیندربالی ووڈ یا ہندی سنیما کے عظیم سپراسٹار ہیں، جنہوں نے اپنے سالوں کے کیریئر میں ایک سے بڑھ کر ایک ہٹ فلمیں دی ہیں۔ اپنی بلند آواز اور بے باک اندازکی وجہ سے وہ انڈسٹری میں بڑی شناخت رکھتے ہیں۔ بہت کم لوگ یہ بات جانتے ہوں گے کہ جب انہوں نے انڈسٹری میں قدم رکھا توانہوں نے اپنے پہلے کام کے لئے صرف 51 روپئے ملے تھے۔ تاہم آج وہ ایک فلم کے لئے کروڑوں روپئے کی فیس وصول کرتے ہیں۔

دھرمیندرنے سال 1960 میں اپنی اداکاری کا سفرشروع کیا تھا۔ ان کی پہلی فلم ’دل بھی تیرا اورہم بھی تیرے‘ تھی۔ بہت کم لوگ یہ بات جانتے ہوں گے کہ اداکار کو اس فلم کے لئے انہیں صرف 51 روپئے کی فیس ملی تھی۔ تاہم کچھ ہی سالوں میں بالی ووڈ میں ان کے نام کا ڈنکا بجنے لگا۔

دھرمیندر نے صرف رومانٹک ہی نہیں بلکہ کامیڈی اور ایکشن فیلڈ میں بھی اپنی اداکاری کا لوہا منوایا ہے۔ یہی وجہ ہے کہ آج اداکار ایک فلم کے لئے کروڑوں روپئے کی فیس وصول کرتے ہیں۔ دھرمیندر سال 2023 میں ریلیز ہوئی فلم ’راکی اور رانی کی پریم کہانی‘ کی پریم کہانی میں نظرآئے تھے۔ اس فلم کے لئے انہوں نے ایک کروڑ روپئے کی فیس چارج کی تھی۔

وہیں بات کریں دھرمیندرکی نیٹ ورتھ کی تو رپورٹس کے مطابق، کبھی صرف 51 روپئے کمانے والے دھرمیندرآج تقریباً 480 کروڑ روپئے کی پراپرٹی کے مالک بن چکے ہیں۔ دھرمیندرکا ممبئی میں ایک عالیشان بنگلہ ہونے کے ساتھ ساتھ لوناولا میں بھی ایک بہت بڑا فارم ہاؤس ہے۔ جو 100 ایکڑمیں پھیلا ہوا ہے۔ اداکارکا یہ فارم ہاؤس 120 کروڑروپئے کا ہے۔ آپ کو بتادیں کہ دھرمیندرنے جب فلموں میں آئے تھے تووہ پرکاش کورکے ساتھ شادی شدہ تھے، لیکن انڈسٹری میں کام کرنے کے دوران ان کا دل ہیما مالنی پرآگیا اوردونوں نے شادی بھی کرلی تھی۔