Bigg Boss 17 Finale & Munawar Faruqui : کیا منور فاروقی جیت پائیں گے بگ باس سیزن 17 کا فائنل،آج ہوگا اعلان

سلمان خان کا سب سے زیادہ زیر بحث اور متنازعہ ریئلٹی شو بگ باس 17 کئی ہفتوں کی لڑائی کے بعدآج  ختم ہو رہا ہے۔ آج بروز اتوار 28 جنوری کو بگ باس 17 کا فائنل ہے۔ منارا چوپڑا، انکیتا لوکھنڈے، منور فاروقی، ابھیشیک کمار اور ارون سری کانت مشیٹی کے نام بگ باس 17 کے ٹاپ 5 کنٹیسٹنٹ میں شامل ہیں۔ٹی وی کے چھوٹے بھائی جان یعنی عبدو روزک بگ باس 17 کے فائنل میں پہنچ گئے ہیں۔ عبدو نے منور فاروقی کی مکمل حمایت کی ہے اور انہیں شو کا فاتح بھی قرار دیا ہے۔ اس کے ساتھ انہوں نے تمام مقابلہ کرنے والوں کو بہت سی نیک خواہشات بھی دی ہیں۔

بگ باس 17 کے فائنل سے قبل صارفین سوشل میڈیا پر ووٹنگ ٹرینڈ کر رہے ہیں، جس میں منور فاروقی کا نام ونر کی فہرست میں سب سے اوپر نظر آ رہا ہے۔ ابھیشیک دوسرے نمبر پر ہیں۔ اب دیکھنا یہ ہے کہ عوام کایہ  فیصلہ بگ باس 17 کا فیصلہ ہے یا نہیں۔سمرتھ اور ایشا آج رات فائنل میں اپنی شاندار کارکردگی سے مداحوں کو خوش کرنے جا رہے ہیں۔ خبر ہے کہ دونوں ایک ساتھ پانی میں ڈانس کرنے والے ہیں۔

جیسے جیسے فائنل نتیجے کے اعلان کا وقت  قریب آرہا ہے، شائقین کے دلوں کی دھڑکن بھی بڑھ رہی ہے۔ مداح سوشل میڈیا پر اپنے پسندیدہ کنسٹنٹ کو بہت سپورٹ کر رہے ہیں۔ اسی دوران منارا کی بہن کی ایک ویڈیو منظر عام پر آئی ہے۔ وہ جشن کے لیے بگ باس 17 کے سیٹ پر پہنچ گئی ہیں۔دیگر کنٹسٹنٹ کے رشتہ دار  بھی پروگرام میں پہنچ چکے ہیں ۔ سلمان خان کا ریئلٹی شو ‘بگ باس 17’ کواب سے چند گھنٹوں میں اپنا فاتح مل جائے گا۔ ‘بگ باس سیزن 17’ کو انکیتا لوکھنڈے، ابھیشیک کمار، منور فاروقی، منارا چوپڑا اور ارون مشیٹی کی شکل میں اپنے پانچ فائنلسٹ ملے ہیں۔ ہر کوئی یہ جاننے کے لیے بے چین ہے کہ اس سال بگ باس کی ٹرافی کون گھر لے جائے گا۔

بھارت ایکسپریس۔