Supreme Court On Delhi Ordinance: سپریم کورٹ نے مرکز کے آرڈیننس کا معاملہ 5 ججوں کی آئینی بینچ کو سونپا، چیف جسٹس نے کیا اہم تبصرہ

سپریم کورٹ آف انڈیا (فائل فوٹو)

Delhi Ordinance 2023: دہلی کے افسران پر کنٹرول سے متعلق مرکز کے آرڈیننس کا معاملہ سپریم کورٹ نے جمعرات کو (20 جولائی) پانچ ججوں کی آئینی بینچ کو سونپ دیا۔ چیف جسٹس نے کہا کہ اس بات پر لمبی سماعت ضروری ہے کہ سروسیز کو آرڈیننس کے ذریعہ دہلی اسمبلی کے دائرے سے باہر کردینا صحیح ہے یا نہیں۔

لیفٹیننٹ گورنرکے لئے پیش ہوئے سینئر ایڈوکیٹ ہریش سالوے کی پارلیمنٹ میں بل پیش ہوجانے کے بعد آرڈیننس کے مسئلے پر تبادلہ خیال کی ضرورت ہی نہیں رہے گی۔ اس پر چیف جسٹس نے کہا کہ ہم تب تک انتظار نہیں کرسکتے۔

دہلی آرڈیننس معاملے پرسماعت

دہلی حکومت کے وکیل ابھیشیک منو سنگھوی نے آئینی بینچ میں جلد سماعت کرنے کا مطالبہ کیا۔ چیف جسٹس نے کہا کہ حکم شام تک اپلوڈ کیا جائے گا۔ اس میں سماعت کی تاریخ بھی بتائی جائے گی۔

کیجریوال حکومت کر رہی ہے مخالفت

اروند کیجریوال کی قیادت والی عام آدمی پارٹی کی حکومت دہلی میں نوکرشاہوں کی پوسٹنگ اورٹرانسفرسے متعلق اس آرڈیننس کی مخالفت کر رہی ہے۔ یہ آرڈیننس مرکزی حکومت نے مئی میں جاری کیا تھا۔ آرڈیننس میں دانکس کیڈرکے گروپ اے افسران کے خلاف تادیبی کارروائی اور تبادلوں کے لئے قومی دارالحکومت دہلی میں سول سروس اتھارٹی قائم کرنے کا انتظام ہے۔

بھارت ایکسپریس۔

Nisar Ahmad