ریسلنگ فیڈریشن آف انڈیا (ڈبلیو ایف آئی) کے سابق صدر برج بھوشن سنگھ کے خلاف 6 نابالغ لڑکیوں کے ذریعہ درج کرائے گئے جنسی استحصال معاملے میں آج دہلی کی راؤز ایوینیو کورٹ میں پیش ہوئے۔ عدالت میں برج بھوشن سنگھ اورسکریٹری ونود تومرپیش ہوئے، جہاں سے دونوں کوعبوری ضمانت مل گئی۔ اس سے قبل، عدالت نے 7 جولائی کو سمن جاری کرکے دونوں کو آج یعنی 18 جولائی کو عدالت میں پیش ہونے کا حکم دیا تھا۔
15 جون کو راؤز ایوینیوکورٹ میں پیش کی گئی تھی چارج شیٹ
واضح رہے کہ دہلی پولیس نے 15 جون کو راؤز ایوینیو کورٹ میں معاملے میں چارج شیٹ پیش کی گئی تھی۔ ملزمین میں برج بھوشن سنگھ کے علاوہ ڈبلیو ایف آئی کے اسسٹنٹ سکریٹری ونود تومرکا نام بھی ہے۔ چارج شیٹ میں پہلوانوں کے ذریعہ مجسٹریٹ کے سامنے دیئے گئے بیان کو اہم بنیاد مانا گیا ہے۔