Delhi Traffic Advisory: دہلی میں آج ٹریفک جام کا خدشہ، میچ سے قبل جاری ایڈوائزری—گھر سے نکلنے سے پہلے ضرور دیکھ لیں

نئی دہلی: دارالحکومت میں آج شام ٹریفک کا دباؤ بڑھنے کا امکان ہے، کیونکہ انڈین پریمیئر لیگ کے تحت دہلی کیپٹلز اور راہل چیلنجزز بنگلور کے درمیان اہم مقابلہ ارون جیٹلی اسٹیڈیم  میں کھیلا جائے گا۔ میچ شام 7 بجے سے رات 10:30 بجے تک جاری رہے گا، جس کے پیش نظر دہلی پولیس نے خصوصی ٹریفک ایڈوائزری جاری کی ہے۔ٹریفک پولیس کے مطابق، اسٹیڈیم کے اطراف شام 5 بجے سے ہی ٹریفک پابندیاں نافذ کر دی جائیں گی، جو بھیڑ کی صورتحال کے مطابق رات 12 بجے تک جاری رہ سکتی ہیں۔ حکام کا کہنا ہے کہ اس دوران بڑی تعداد میں شائقین کی آمد متوقع ہے، جس کی وجہ سے کئی اہم سڑکوں پر جام لگ سکتا ہے۔

ایڈوائزری کے تحت شہریوں کو مشورہ دیا گیا ہے کہ وہ اسٹیڈیم کے آس پاس کے علاقوں میں غیر ضروری سفر سے گریز کریں۔ خاص طور پر بہادر شاہ ظفر مارگ، جواہر لال نہرو مارگ (JLN مارگ)، آصف علی روڈ اور راج گھاٹ سے آئی پی فلائی اوور تک رنگ روڈ پر جانے سے احتیاط برتنے کی ہدایت دی گئی ہے۔ ٹریفک کو رواں رکھنے کے لیے ان راستوں پر ضرورت کے مطابق روٹ ڈائیورژن بھی کیے جا سکتے ہیں۔

پولیس نے عوام سے اپیل کی ہے کہ وہ “پارک اینڈ رائیڈ” سہولت کا استعمال کریں اور صرف مقررہ ٹیکسی پک اپ اور ڈراپ پوائنٹس کا ہی انتخاب کریں۔ اس کے علاوہ نجی گاڑیوں کے بجائے پبلک ٹرانسپورٹ استعمال کرنے کی بھی تاکید کی گئی ہے تاکہ ٹریفک کے دباؤ کو کم کیا جا سکے۔حکام نے مزید کہا کہ شہری ٹریفک قوانین کی مکمل پابندی کریں اور گھر سے نکلنے سے پہلے ٹریفک کی تازہ صورتحال کا جائزہ ضرور لیں، تاکہ غیر ضروری پریشانی سے بچا جا سکے۔ٹریفک پولیس کا کہنا ہے کہ ان اقدامات کا مقصد شہریوں کی سہولت اور سیکیورٹی کو یقینی بنانا ہے، اس لیے عوام سے تعاون کی اپیل کی گئی ہے تاکہ میچ کے دوران ٹریفک کا نظام بہتر انداز میں چلایا جا سکے۔

بھارت ایکسپریس اردو