IPL 2024: سن رائزرس حیدرآباد کو بڑا جھٹکا، اس کی وجہ سے وینندو ہسرنگا پورے سیزن سے ہوئے باہر

آئی پی ایل 2024 میں آج دو میچ کھیلے جائیں گے۔ پہلا میچ 3:30 بجے سے سن رائزرز حیدرآباد اور گجرات ٹائٹنز کے درمیان کھیلا جائے گا ۔جب کہ دوسرا میچ چنئی سپر کنگز اور دہلی کیپٹلس کے درمیان شام 7:30 بجے سے کھیلا جائے گا۔ ویسے حیدرآباد کو گجرات کے خلاف میچ سے پہلے بڑا جھٹکا لگا ہے۔ اس میچ سے پہلے پراسرار اسپنر وینندو ہسرنگا کے آؤٹ ہونے کی خبر آئی ہے۔

سن رائزرس حیدرآباد کے لیے یہ ایک بڑا دھچکا مانا جا سکتا ہے، کیونکہ ہسرنگا اپنی جادوئی اسپن اور دھماکہ خیز بلے بازی سے اکیلے ہی ٹیم کے لیے کئی میچ جیت سکتے تھے۔ تاہم اب وہ پورے سیزن سے باہر ہیں۔ اس کا مطلب ہے کہ ہسرنگا اب آئی پی ایل 2024 میں کھیلتے ہوئے نظر نہیں آئیں گے۔

اس وجہ سے ہسرنگا آئی پی ایل 2024 سے باہر ہو گئے تھے

وینندو ہسرنگا بائیں ایڑی کی چوٹ کی وجہ سے اس سیزن سے باہر ہیں۔ یہ ایس آر ایچ کے لیے ایک بری خبر ہے۔خاص طور پر آئی پی ایل کے وسط سیزن میں، ٹیم ان کی بہت کمی محسوس کرے گی۔ سست پچوں پر ہسرنگا کافی کارگر ثابت ہو سکتے ہیں۔ قابل ذکر بات یہ ہے کہ 2024 کا T20 ورلڈ کپ آئی پی ایل 2024 کے فوراً بعد کھیلا جانا ہے۔ اسی بات کو مدنظر رکھتے ہوئے سری لنکا کرکٹ بورڈ نے یہ فیصلہ کیا ہے۔

ایک انگریزی اخبار سے بات کرتے ہوئے سری لنکا کرکٹ کے سی ای او کا کہنا تھا کہ ہسرنگا کی ایڑی سوج گئی تھی اور وہ انجیکشن لینے کے بعد کھیل رہے تھے۔ اس لیے انہوں نے ورلڈ کپ سے قبل اپنا مسئلہ حل کرنے کا فیصلہ کیا ہے۔ ہسرنگا نے ہمیں بتایا کہ اس چوٹ کی وجہ سے وہ اس سال آئی پی ایل میں نہیں کھیل پائیں گے۔ آپ کو بتاتے چلیں کہ ہسرنگا اپنی ایڑی کا علاج کرانے کے لئے  دبئی جائیں گے، جہاں وہ ماہرین کی رائے لیں گے۔

بھارت ایکسپریس