اسپورٹس

Shehnaaz Gill Dating Rumours: آر سی بی کے اس اسٹار کھلاڑی پر دل ہار بیٹھیں شہناز گل؟ سوشل میڈیا پر ڈیٹنگ کی افواہیں تیز

آئی پی ایل کا سیزن ہو اور میدان میں گلیمر کا تڑکا نہ لگے، ایسا تو ہو ہی نہیں سکتا۔ حال ہی میں رائے پور میں کھیلے گئے رائل چیلنجرز بنگلورو (RCB) اور کولکاتا نائٹ رائیڈرز (KKR) کے میچ میں کچھ ایسا ہی منظر دیکھنے کو ملا۔ میچ اپنی جگہ تھا، لیکن اسٹیڈیم میں بیٹھی شہناز گل نے سب کی توجہ اپنی جانب کھینچ لی۔شہناز یہاں آر سی بی کو سپورٹ کرنے پہنچی تھیں، مگر سوشل میڈیا نے اپنی ہی ایک الگ “اسکور بورڈ” چلانا شروع کر دیا۔

آخر دونوں کے درمیان چل کیا رہا ہے؟

جیسے ہی شہناز کی تصاویر اور ویڈیوز وائرل ہوئیں، انٹرنیٹ پر قیاس آرائیوں کا سلسلہ شروع ہو گیا۔ لوگوں نے شہناز گل کا نام آر سی بی کے اسٹار کرکٹر دیودت پڈیکل کے ساتھ جوڑنا شروع کر دیا۔ یہ بحث اس وقت مزید تیز ہو گئی جب شہناز نے آر سی بی کی حمایت کرتے ہوئے ایک فین ویڈیو شیئر کی۔ پھر کیا تھا، مداحوں نے سوال اٹھانا شروع کر دیے کہ کیا یہ جوش صرف کرکٹ کے لیے ہے یا کہانی کچھ اور ہے؟ دلچسپ بات یہ ہے کہ نہ تو شہناز گل اور نہ ہی دیودت پڈیکل نے ان خبروں پر کوئی ردعمل دیا ہے۔ جہاں کچھ لوگ ان افواہوں پر خوب تبصرے کر رہے ہیں، وہیں شہناز کے مداح ان کے دفاع میں بھی سامنے آ گئے ہیں۔مداحوں کا کہنا ہے کہ اگر کوئی خاتون اسٹیڈیم میں میچ دیکھنے جائے تو اسے زبردستی کسی کھلاڑی کے ساتھ جوڑنا درست نہیں۔

یہ پہلی بار نہیں ہے کہ شہناز گل کا نام کسی کے ساتھ جوڑا جا رہا ہو۔ اداکارہ کی ذاتی زندگی سے متعلق اس طرح کی افواہیں پہلے بھی سامنے آتی رہی ہیں۔اس سے قبل فلم کسی کا بھائی کسی کی جان کے دوران ان کا نام ساتھی اداکار راگھو جویال کے ساتھ خوب چرچا میں رہا تھا۔ تاہم بعد میں راگھو نے واضح کر دیا تھا کہ وہ صرف اچھے دوست ہیں اور ان خبروں میں کوئی سچائی نہیں۔فی الحال دیودت پڈیکل کے ساتھ شہناز کا نام جڑنا بھی محض ایک افواہ ہی معلوم ہوتا ہے۔

کام کے محاذ پر مصروف ہیں ’پنجاب کی کترینہ‘

افواہوں سے الگ شہناز گل ان دنوں اپنے کیریئر پر مکمل توجہ دے رہی ہیں۔ ان کے پاس آنے والے وقت میں کئی بڑے پروجیکٹس موجود ہیں۔ان کی فلم عشق نامہ (Ishqnama) 24 جولائی 2026 کو دنیا بھر میں ریلیز ہونے جا رہی ہے۔ اس کے علاوہ وہ دلجیت دوسانجھ اور سونم باجوہ کے ساتھ فلم رنّا چ دھنا (Ranna Ch Dhanna) میں بھی نظر آئیں گی۔

بھارت ایکسپریس اردو۔

Abul Kalam

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

4 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

5 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

5 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

5 hours ago