شاردول ٹھاکر نے نصف سنچری بنا کر ممبئی کی بچائی عزت،یش-ہرش کی شاندار کارکردگی
Ranji Trophy 2024: رنجی ٹرافی 2024-2023 کے فائنل میچ میں ممبئی کرکٹ ٹیم پہلی اننگز میں 224 رنز بنا کر آل آؤٹ ہوگئی۔ اس دوران شاردول ٹھاکر نے شاندار کارکردگی کا مظاہرہ کیا۔ انہوں نے 8 چوکوں اور 3 چھکوں کی مدد سے 75 رنز کی اننگز کھیلی۔ شاردول کے ساتھ پرتھوی شا نے بھی اہم کردار ادا کیا۔ دوسری طرف ودربھ کے لیے یش ٹھاکر اور ہرش دوبے نے خطرناک بولنگ کرتے ہوئے 3-3 وکٹ لیے۔ امیش یادو نے بھی دو وکٹیں حاصل کیں۔ اس میچ کی پہلی اننگز میں شریاس ایر اور اجنکیا رہانے فلاپ رہے۔
شاردول ٹھاکر نے ممبئی کی ڈوبتی اننگز کو آگے بڑھانے کا کام کیا ہے۔ ممبئی نے 99 رنز کے اسکور پر 4 وکٹ گنوا دیے تھے۔ اس کے بعد 111 رنز کے اسکور پر 6 وکٹیں گر گئیں۔ ٹیم 176 رنز کے اسکور پر 8 وکٹیں گنوا چکی تھی۔ لیکن شاردول آخر تک ڈٹےرہے۔ 69 گیندوں کا سامنا کرتے ہوئے انہوں نے تیز 75 رنز بنائے۔ شاردول ٹھاکرکی اس اننگز میں 8 چوکے اور 3 چھکے شامل تھے۔ اس طرح ممبئی نے پہلی اننگز میں 200 رنز کا ہندسہ عبور کیا۔
شاردول پرتھوی کے علاوہ کوئی بلے باز نہیں چلا
ممبئی نے پہلی اننگز میں آل آؤٹ ہونے تک 224 رنز بنائے۔ اس دوران پرتھوی شا اور شاردول ٹھاکر کے علاوہ کوئی بلے بازنہیں چلا۔ پرتھوی اور بھوپین لالوانی ٹیم کے لیے اوپننگ کرنے آئے۔ پرتھوی نے 63 گیندوں کا سامنا کیا اور 46 رنز بنائے۔ انہوں نے 5 چوکے لگائے۔ لالوانی نے 64 گیندوں کا سامنا کیا اور 37 رنز بنائے۔ انہوں نے 4 چوکے لگائے۔ مشیر خان 12 گیندوں پر 6 رنز بنانے کے بعد آؤٹ ہوئے۔ وکٹ کیپر بلے باز ہاردک تمور بھی کچھ خاص نہ کر سکے۔ وہ 41 گیندوں میں 5 رنز بنانے کے بعد آؤٹ ہوئے۔ شمس ملانی نے 13 رنز بنائے۔
کپتان رہانے اور ائیر فلاپ رہے
ٹیم انڈیا کے تجربہ کار کھلاڑی شریاس ایئر اور اجنکیا رہانے فائنل میچ میں فلاپ رہے۔ رہانے 35 گیندوں میں 7 رنز بنانے کے بعد آؤٹ ہوئے۔ وہ ایک باؤنڈری بھی نہ لگا سکے۔ شریاس آیئر 15 گیندوں میں 7 رنز بنانے کے بعد آؤٹ ہوئے۔ انہوں نے 1 چوکا لگایا۔ یہ دونوں بلے باز گزشتہ چند میچوں میں اچھی کارکردگی کا مظاہرہ نہیں کر سکے۔
ودربھ کے لیے یش-ہرش کی شاندار کارکردگی
فائنل میں ممبئی کے خلاف یش ٹھاکر اور ہرش دوبے نے شاندار بولنگ کی۔ یش نے 11 اوور میں 54 رن دے کر 3 وکٹ لئے۔ انہوں نے 2 میڈن اوور بھی کئے ۔ ہرش نے 20 اوور میں 62 رن دے کر 3 وکٹیں حاصل کیں۔ انہوں نے 3 میڈن اوور بھی ڈالے ۔ امیش یادیو نے بھی 2 وکٹیں حاصل کیں۔ انہوں نے 13.3 اوورز میں 43 رنز دے کر 2 وکٹیں حاصل کیں۔
بھارت ایکسپریس
آرمی کینٹ کا علاقہ بھی گمٹالہ پولیس چوکی کے قریب واقع ہے۔ اس کے علاوہ…
جورڈن نے اس نقشے کو اسرائیل کی توسیع پسندانہ منصوبے کا حصہ بتایا ہے۔ عرب…
شمالی ہند کے کئی حصوں میں گھنی دھند کی وجہ سے ریلوے مسافروں کو مشکلات…
پنجاب اور ہریانہ میں سردی اپنے عروج پر ہے۔ موگا میں کم سے کم درجہ…
میرٹھ کے لیساڈی گیٹ کی سہیل گارڈن کالونی میں ایک ہی خاندان کے پانچ افراد…
بھارت ایکسپریس نیوز نیٹ ورک مسلسل مہا کمبھ کی خبریں نمایاں طور پر نشر کر…