US Open 2023: نوواک جوکووچ نے 24 واں گرینڈ سلیم ٹائٹل اپنے نام کیا، یو ایس اوپن کے فائنل میں ڈینیل میدویدیف کو  دی شکست

US Open 2023: نوواک جوکووچ نے یو ایس اوپن 2023 بیڈمنٹن چیمپئن شپ کے فائنل میں ڈینیل میدویدیف کو شکست دے کر ٹائٹل جیت لیا ہے۔ یہ جوکووچ کا 24 واں مینز سنگلز گرینڈ سلیم ٹائٹل تھا۔ جوکووچ نے فائنل میں ڈینیل میدویدیف کو 6-3، 7-6 (7/5)، 6-3 سے شکست دی۔ جوکووچ کا یہ چوتھا یو ایس اوپن ٹائل تھا۔ دونوں کے درمیان یہ میچ آرتھر ایش اسٹیڈیم میں کھیلا گیا۔ جوکووچ وہ کھلاڑی ہیں جنہوں نے سب سے زیادہ گرینڈ سلیم ٹائٹل جیتے ہیں۔

جوکووچ نے میچ میں مکمل برتری برقرار رکھی۔ انہوں نے روسی کھلاڑی ڈینیل میدویدیف کو ایک بار بھی آگے نکلنے کا موقع نہیں دیا۔ جوکووچ نے پہلے سیٹ میں 6-3 سے کامیابی حاصل کی۔ اس کے بعد دوسرا سیٹ کچھ حد تک قریب چلا گیا ۔لیکن اس بار بھی سربیا کے کھلاڑی نے ہی ایک بار پھر بازی ماری۔ جوکووچ نے دوسرا سیٹ 7-6 سے جیتا۔ اس کے بعد ایک بار پھر ڈینیل میدویدیف کو تیسرے اور آخری سیٹ میں شکست کا منہ دیکھنا پڑا۔ اس بار روسی کھلاڑی کو 3-6 سے شکست کا سامنا کرنا پڑا۔

جوکووچ کو 2021 میں میدویدیف کے خلاف شکست کا سامنا کرنا پڑا تھا

دوسال قبل یو ایس اوپن 2021 کا فائنل میچ بھی ڈینیل میدویدیف اور نوواک جوکووچ کے درمیان کھیلا گیا تھا۔ جس میں جوکووچ کو روس کے ڈینیل میدویدیف نے شکست دی تھی۔ لیکن اس بار یو ایس اوپن 2023 میں سربیا کے نوواک جوکووچ نے ڈینیل میدویدیف کو شکست دے کر کامیابی حاصل کی۔

جوکووچ نے 36 واں گرینڈ سلیم فائنل کھیلا

قابل ذکر بات  یہ ہے کہ نوواک جوکووچ نے یو ایس اوپن 2023 کے ذریعے اپنا 36 واں گرینڈ سلیم فائنل کھیلا۔ جوکووچ 36 میں سے 24 بار ٹائٹل جیت چکے ہیں۔ وہ 10 بار آسٹریلین اوپن، سات بار ومبلڈن، تین بار فرنچ اوپن اور 4 بار یو ایس اوپن جیت چکے ہیں۔ اس بار جوکووچ نے یو ایس اوپن کا چوتھا ٹائٹل جیتا۔ اس سے قبل سربین ٹینس اسٹار 2011، 2015 اور 2018 میں یو ایس اوپن کا ٹائٹل جیت چکے ہیں۔

بھارت ایکسپریس