Doug Bracewell Cocaine: بھارت کو شکست دینے والے نیوزی لینڈ کے کھلاڑی پر پابندی عائد، کوکین کا نشہ کرتے ہوئے پکڑے گے

نیوزی لینڈ کے سابق فاسٹ باؤلر ڈگ بریسویل پر ایک ماہ کی پابندی عائد کر دی گئی ہے۔ وہ کوکین استعمال     کے ٹیسٹ میں مثبت پائے گے ۔ قابل ذکر بات یہ ہے کہ اس سال جنوری میں بریسویل نے ڈومیسٹک ٹی ٹوئنٹی میچ میں سنٹرل ڈسٹرکٹس کے لیے کھیلتے ہوئے ویلنگٹن کے خلاف شاندار کارکردگی کا مظاہرہ کیا تھا۔ بریسویل نے اس میچ کے بعد منشیات کا استعمال کیا تھا۔ اس موضوع پر اسپورٹس انٹیگریٹی کمیشن نے تصدیق کی ہے کہ اس 34 سالہ فاسٹ باؤلر نے واقعی کوکین کا استعمال کیا  تھی۔

اسپورٹس انٹیگریٹی کمیشن نے اپنی تحقیقات میں پایا کہ ڈگ بریسویل نے کوکین کا استعمال کیا تھا، لیکن اس کا ان کی کرکٹ کارکردگی سے کوئی تعلق نہیں تھا۔ یاد رہے کہ ویلنگٹن کے خلاف اس میچ میں بریسویل نے 21 رنز دے کر 2 وکٹیں حاصل کی تھیں اور 11 گیندوں پر 30 رنز کی طوفانی اننگز کھیل کر اپنی ٹیم کی 6 وکٹوں سے جیت میں اہم کردار ادا کیا تھا۔ قصوروار پائے جانے کے بعد بریسویل پر ابتدائی طور پر تین ماہ کی پابندی عائد کی گئی تھی، جسے بعد میں کم کر کے ایک ماہ کر دیا گیا کیونکہ انہوں  نے ایک ماہ اصلاحی مرکز میں گزارا۔

بریسویل نے اپنی غلطی تسلیم کر لی ہے

بریسویل نے اپنی غلطی تسلیم کر لی ہے نیوزی لینڈ کرکٹ کے چیف ایگزیکٹو نے ڈگ بریسویل کے اقدامات پر مایوسی کا اظہار کیا لیکن بورڈ اب بھی ان کے کرکٹ کیریئر کو سپورٹ کرے گا۔ بریسویل نے اپنی غلطی تسلیم کر لی ہے۔ آپ کو بتاتے چلیں کہ ڈگ بریسویل کا کیریئر میدان سے باہر متنازعہ واقعات سے بھرا رہا ہے۔ وہ 18 سال کی عمر سے ایسے واقعات میں گھرے ہوئے ہیں۔ وہ شراب کے نشے میں گاڑی چلاتے ہوئے کئی بار پکڑے جارچکے ہیں ۔ 2010 سے 2017 تک وہ کئی بار ایسے واقعات کی وجہ سے سرخیوں میں آئے۔

ڈگ بریسویل نے اپنے بین الاقوامی کیریئر میں نیوزی لینڈ کے لیے 28 ٹیسٹ میچوں میں 74 وکٹیں لینے کے علاوہ 568 رنز بھی بنائے۔ ان کے نام 21 ون ڈے میچوں میں 26 وکٹیں اور 221 رنز ہیں اور ون ڈے کرکٹ میں ایک نصف سنچری بھی اسکور کر چکے ہیں۔ انہوں نے 20 ٹی ٹوئنٹی میچوں میں 20 وکٹیں بھی حاصل کی ہیں۔

بھارت ایکسپریس