Manu Bhaker: منو بھاکر کے گھر پر ٹوٹا غم کا پہاڑ ، سڑک حادثے میں خاندان کے 2 افرادہلاک

اولمپک میڈلسٹ، شوٹر منو بھاکر کے اہل خانہ پر غم کا پہاڑ ٹوٹ پڑا ہے۔ اتوار کی صبح چرخی دادری میں ایک سڑک حادثے میں ان کے ماموں اور دادی کی موت ہو گئی۔ ایک تیز رفتار بریزا کار نے ان کے اسکوٹر کو ٹکر مار دی۔ حادثہ اتنا خوفناک تھا کہ دونوں کی  موقع پر ہی موت ہوگئی۔ کار ڈرائیور فرار ہوگیا، پولیس اس کی تلاش کررہی ہے۔ منو بھاکر کو حال ہی میں صدر جمہوریہ نے کھیل رتن ایوارڈ سے نوازا تھا۔ اس خوشی کے چند ہی دن بعد ان کے گھر والوں کے ساتھ یہ المناک واقعہ پیش آیا۔

اطلاع ملتے ہی پولیس موقع پر پہنچ گئی، جس کے بعد منو بھاکر کے ماموں اور نانی کی لاشوں کو پوسٹ مارٹم کے لیے بھیج دیا گیا۔ پولیس کے پہنچنے تک واردات کرنے والا گاڑی کا ڈرائیور فرار ہو چکا تھا۔ اب پولیس نے معاملے کی جانچ شروع کردی ہے اور ڈرائیور کی تلاش جاری ہے۔ پولیس نے متوفی کی شناخت 50 سالہ یودھویر (ماموں) اور 65 سالہ ساوتری (نانی) کے طور پر کی ہے۔ دونوں اصل میں ہریانہ کے بھیوانی ضلع کے کلالی گاؤں کے رہنے والے تھے۔

حادثہ کیسے ہوا؟

منو بھاکر کے ماموں یودھویر ہریانہ روڈ ویز میں ڈرائیور کے طور پر کام کرتے تھے۔ قابل ذکر بات یہ ہےکہ  وہ صبح اپنے اسکوٹر پر کام پر جانے کے لیے نکلے تھے، جب کہ منو کی دادی ساوتری کو اپنے چھوٹے بیٹے کے گھر جانا تھا، جو لوہارو چوک پر واقع ہے۔ اس وجہ سے یودھویر اور ساوتری ایک ساتھ اسکوٹر پر نکلے، لیکن جیسے ہی وہ کلیانہ موڑ پر پہنچے تو غلط سائیڈ سے آنے والی تیز رفتار بریزا کار نے انہیں ٹکر مار دی۔ تصادم اتنا شدید تھا کہ کار سڑک کے کنارے الٹ گئی، جب کہ منو بھاکر کے ماموں اور دادی موقع پر ہی دم توڑ گئے۔

منو نے رقم کی  تھی  تاریخ

منو بھاکر نے پیرس 2024 اولمپکس میں تاریخ رقم کی، وہ آزادی کے بعد پہلی ہندوستانی کھلاڑی بن گئیں، جنہوں نے کھیلوں کے ایک ہی ایڈیشن میں دو میڈل جیتے۔ انہوں نے 10 میٹر ایئر پسٹل کے انفرادی مقابلے میں سلور کا میڈل جیتا تھا۔ وہ اولمپکس میں میڈل جیتنے والی پہلی ہندوستانی خاتون شوٹر بھی ہیں۔ بعد میں اس نے سربجوت سنگھ کے ساتھ مل کر 10 میٹر ایئر پسٹل مکسڈ ٹیم ایونٹ میں سلور میڈل جیتا۔

بھارت ایکسپریس