ICC Under 19 World Cup Team: ٹیم انڈیا انڈر-19 ورلڈ کپ ہار گئی، لیکن 4 کھلاڑیوں کی ملا یہ انمول تحفہ، پوری دنیا کے کھلاڑیوں کو چھوڑ دیا پیچھے

ہندوستانی کرکٹ ٹیم بھلے ہی انڈر-19 ورلڈ کپ کے فائنل میں آسٹریلیا سے ہارگئی، لیکن اس میں کوئی دو رائے نہیں ہے کہ اس کے کھلاڑیوں نے پورے ٹورنامنٹ میں شاندار کارکردگی کی۔ اسی شاندارکارکردگی کے بعد آئی سی سی نے اس کے کھلاڑیوں کو ایک بڑا اورانمول تحفہ دیا ہے۔ آئی سی سی نے پیرکوانڈر-19 ورلڈ کپ کی بہترین ٹیم کا اعلان کیا، جس میں کل 12 کھلاڑی منتخب کئے گئے۔ اس ٹیم میں ہندوستان کے چارکھلاڑیوں کو جگہ دی گئی ہے۔

4 کھلاڑی آئی سی سی کی بیسٹ ٹیم میں شامل

ٹیم انڈیا کے کپہتان ادے سہارن، آل راونڈرمشیرخان، بلے باز سچن دھس اوربائیں ہاتھ کے اسپنرسومیا پانڈے آئی سی سی کی بیسٹ پلیئنگ الیون میں شامل کئے گئے ہیں۔ آسٹریلیا کے کپتان ہیو ویبگن کو ٹورنا منٹ کی ٹیم کا کپتان بنایا گیا ہے۔ واضح رہے کہ اس ٹیم کا سلیکشن میڈیا، براڈکاسٹرزاورآئی سی سی کے نمائندوں کے پینل نے کیا۔ بڑی بات یہ ہے کہ اس ٹیم میں عالمی چیمپئن آسٹریلیا کے صرف 3 کھلاڑی منتخب ہوئے تھے۔ اس ٹیم میں جنوبی افریقہ کے دواورویسٹ انڈیزاورپاکستان کے ایک ایک کھلاڑی کو جگہ ملی۔

ادے سہارن رہے ٹاپ اسکورر

ٹیم انڈیا کے کپتان ادے سہارن ٹورنا منٹ کے ٹاپ اسکورر رہے۔ انہوں نے 7 اننگوں میں 56 سے زیادہ کی اوسط سے 397 رن بنائے۔ سہارن کے بلے سے ایک سنچری اورتین نصف سنچری نکلی۔ مشیرخان نے بھی کمال کی بلے بازی کرتے ہوئے 60 کی اوسط سے 360 رن بنائے۔ اس کھلاڑی نے دو سنچری لگائی۔ مڈل آرڈر بلے باز سچن دھس نے بھی 7 میچوں میں 60 سے زیادہ کی اوسط سے 303 رن بنائے۔ ان کا اسٹرائیک ریٹ بھی 116 سے زیادہ کا رہا۔ اس ٹورنا منٹ میں 300 سے زیادہ رن بنانے والے کسی بلے باز کا اسٹرائیک ریٹ 100 سے زیادہ کا نہیں رہا۔ سچن دھس کے اس کے علاوہ ایک سنچری اورایک نصف سنچری بھی لگائی۔ گیند بازی میں سومیا پانڈے کا جلوہ رہا۔ اس کھلاڑی نے 7 میچون میں 18 وکٹ حاصل کئے۔ ان کا اکنامی ریٹ بھی محض 2.68 رن فی اوور رہا۔

انڈر-19 ورلڈ کپ کی بہترین ٹیم

لوان ڈی پرٹوریس، ہیری ڈکسن، مشیرخان، ہویوویبگن، ادے سہارن، سچن دھن، ناتھن ایڈورڈ، کیلم ولڈر، عبید شاہ، کوئنا مافاکا، سومیا پانڈے، جیمی ڈنک (12ویں کھلاڑی۔

بھارت ایکسپریس۔

Nisar Ahmad